Turčyna ŭ Maskvie supravadžaŭ eskort matacyklistaŭ
Premjer-ministr Biełarusi Alaksandr Turčyn zrabiŭ pieršy paśla svajho pryznačeńnia zamiežny vizit. Prymali Turčyna ŭ Maskvie pa niazvykła vysokim ranhu: dla supravadžeńnia navat vydzielili kartež matacyklistaŭ.
Alaksandr Turčyn i Michaił Mišuścin
Pra nievypadkovaść vybaru miesca pieršaha vizitu skazaŭ sam Turčyn:
«Charakternaj asablivaściu adnosin, jakija skłalisia pamiž našymi krainami i narodami, źjaŭlajecca toje, što svaje pieršyja vizity paśla vybaraŭ albo paśla pryznačeńnia kiraŭnictva Respubliki Biełaruś tradycyjna ažyćciaŭlaje mienavita ŭ Rasijskuju Fiederacyju. Heta nahladna śviedčyć pra pryjarytetnaść i doŭhaterminovaść biełaruska-rasijskaha stratehičnaha partniorstva».
Alaksandr Turčyn
Taksama jon padkreśliŭ, što
«my nacelenyja na dakładnaje vykanańnie asnoŭnych napramkaŭ realizacyi sajuznaj damovy na 2024-2026 hady. Hetyja dakumienty — naš aryjencir, darožnaja karta dla dalejšaj pabudovy Sajuznaj dziaržavy».
Alaksandr Turčyn u Maskvie pravodzić pieramovy sa svaim rasijskim kaleham Michaiłam Mišuścinym. Da miesca pieramoŭ jaho dastavili ŭ supravadžeńni kartežu matacyklistaŭ. Takoje robicca tolki dla haściej samaha vysokaha ranhu. Uzrovień pryjomu admysłova adznačyła ŭradavaja pres-słužba.
Čytajcie taksama:
Startavała anłajn-apytańnie biełarusaŭ nakont ekanomiki i žyćcia, anansavanaje premjeram Turčynym
Što viadoma pra dačku i ziacia novaha premjera Turčyna
Łukašenka rezka absiek inicyjatyvu premjera Turčyna: «Pačynaje varušyć staroje»