Urad maje namier skaracić pieralik tavaraŭ z rehulavanymi cenami, paviedamiŭ premjer-ministr Alaksandr Turčyn u intervju telekanału «Biełaruś 1».
«Nam treba vyznačycca z tym pieralikam tavaraŭ, jaki chvaluje bolšaść ludziej. I, skažam tak, upłyvaje na małazabiaśpiečanyja, nieabaronienyja słai našaha nasielnictva. Tamu kanceptualna ja dumaju, što zvužeńnie hetaha pieraliku vidavočna.
Nam treba pakinuć tyja tavary, jakija ŭ najbolšaj stupieni chvalujuć ludziej. U ramkach hetaha pieraliku my pavinny zadać niejkija ramki abo paramietry subjektam haspadarańnia. Kab toj ža vytvorca nie chadziŭ u abłvykankam pa kožnaje ŭzhadnieńnie.
Heta značyć, niejkija zadadzienyja paramietry, u ramkach jakich ty pracuješ. Kali ty vychodziš za hetyja paramietry, tady nieabchodna niejkaje ŭzhadnieńnie», — skazaŭ Alaksandr Turčyn, adkazvajučy na pytańnie, ci płanujecca admiena cenavaha rehulavańnia, uviedzienaha pastanovaj №713.
Turčyn taksama miarkuje, što «kali my padydziem da aptymalnaha koła rehulavanych tavaraŭ, mnohija rečy sami saboj pryjduć u narmalny stan».
Vykazaŭsia jon i adnosna «spraviadlivaj cany»:
«Spraviadlivaść pavinna być dla ŭsich katehoryj, jakija ŭdzielničajuć u hetym pracesie. Nie tolki dla nas z vami jak spažyŭcoŭ, viadoma ž, dla vytvorcy i dla handlu. Nichto nie pavinien pracavać sabie ŭ straty. Tamu dziaržava zadaje hetyja paramietry, i ŭ ramkach hetych kalidoraŭ my pavinny pracavać».
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3636
Kamientary