Vydaleny telehram-kanał školnikaŭ, jakija vystupali suprać pakistanskich mihrantaŭ, pryznali «ekstremisckim»
Na sajcie Ministerstva infarmacyi ŭ abnoŭlenym Respublikanskim śpisie ekstremisckich materyjałaŭ źjavilisia siarod inšaha telehram-kanał, čaty i boty supołki «Mołodiožnoje dvižienije DoŁHB». Jana była stvoranaja paśla taho, jak źjaviłasia infarmacyja pra namier Łukašenki zavieźci ŭ Biełaruś 150 000 mihrantaŭ.
Pa infarmacyi «Našaj Nivy», stvaralniki hetaj supołki — zvyčajnyja školniki. Jany ličać siabie patryjotami Biełarusi, ale padkreślivajuć, što źjaŭlajucca apalityčnymi. Da padziej 2020 hoda jany staviacca, chutčej, abyjakava, ale hetamu jość prostaje tłumačeńnie — na momant haračaha supraćstajańnia hramadstva i siłavikoŭ jany vučylisia jašče ŭ pačatkovaj škole i zusim nie cikavilisia palitykaj.
Nieŭzabavie paśla taho, jak supołka stała nabyvać viadomaść i pryciahvać da siabie pilnuju ŭvahu z boku hramadstva i siłavikoŭ, zasnavalniki sami jaje vydalili, vidać, uśviadomiŭšy niebiaśpieku. Ale heta nie ŭratavała ad pryznańnia ich dziejnaści «ekstremisckaj».
Akramia taho, «ekstremiscki» śpis hetym razam papoŭnili:
- jutub-kanały BRUTTO NOSTRA, «Kabiniet Nikitienko», Novaja Ziamlia;
- tyktok-staronka zloybelevrey;
- staronka ŭ instahramie krok.kult;
- supołka va «Ukantakcie» «Volnaja Biełaruś»;
- telehram-kanały, čaty i boty «Mołodiožnoje dvižienije DoŁHB», «Dołhonutyj čat», «Minsk», «Dołžnostnaja ankieta», «Dołhonutyje priedłožienija»;
- sajt i staronki ŭ sacsietkach prajekta BY teatr.