Hramadstva2020

U Biełarusi raspaŭsiudžvajecca pravakatyŭnaja supołka Dolgb u adkaz na «pryjezd 150 tysiač pakistancaŭ». Što za jana?

Chto staić za inicyjatyvaj — niezrazumieła.

Emblema supołki

Što takoje DOLGB?

U dopisach u tyktoku i inšych sacyjalnych sacsietkach niechta sprabuje pijaryć supołku DOLGB — «doŭh adstajać asobu hramadzianaŭ Biełarusi». Jana stvoranaja 19 krasavika, ale aktyŭna pijarycca ŭ apošnija dva dni. Za hety čas jana nabrała ŭsiaho kala 100 padpisantaŭ u telehramie, ale nieviadomyja ludzi raskidvajuć spasyłku na jaje pa mnohich čatach.

Inicyjatyva źjaviłasia ŭ suviazi z mahčymym pryjezdam 150 tysiač pakistanskich mihrantaŭ u Biełaruś. Meta DOLGB zajaŭlenaja abstraktnaja — źbierahčy biełarusaŭ, a asabliva biełaruskich žančyn «ad niepavahi za źniešni vyhlad abo tradycyi», a taksama «abaranić intaresy biełarusaŭ zakonnymi šlachami».

U supołcy raspaŭsiudžvajucca ničym nie paćvierdžanyja źviestki pra toje, što pakistancy ŭžo pačali masava prybyvać u Biełaruś. Pry hetym anijakich tłumačeńniaŭ taho, jakim mienavita čynam jany adroźnivajuć hramadzian šmatmoŭnaha i šmatkulturnaha Pakistana ad hramadzian inšych krainaŭ, nie pryvodzicca.

Supołka pazicyjanuje siabie jak «ruch». Dla ŭstupleńnia treba dasłać imia, uzrost, vobłaść, poł i zhadzicca z praviłami ruchu. Taksama ad imia «rucha» była stvoranaja sietka małalikich čataŭ.

Chto moža stajać za supołkaj?

Adrazu, viadoma, možna dapuścić ruku biełaruskich ci inšych śpiecsłužbaŭ. Ale całkam imavierna, što heta nie tak.

Pa-pieršaje, u samoj supołcy nie źbirajucca anijakija asabistyja źviestki. I navat dla ŭstupleńnia ŭ «ruch» nie treba davać pra siabie asabistych źviestak, jakija b dazvolili adnaznačna vas identyfikavać. Bot zrobleny na starońnim siervisie. Śpiecsłužby zvyčajna dziejničajuć bolš radykalna, źbirajučy takija źviestki, jakija dazvolać adnaznačna zdeananimizavać karystalnikaŭ.

Pa-druhoje, supołka stvoranaja z abryvistych i chaatyčnych paviedamleńniaŭ, jakija čarhujucca z šmatsłoŭnymi i takimi ž chaatyčnymi razvažańniami. Heta dazvalaje dapuścić, što čałaviek, jaki stvaryŭ supołku, piša heta ŭsio absalutna ščyra.

Takim čynam, hety vypadak bolš nahadvaje vypadak z PVK «Rodan» — školniki i maładyja ludzi jadnajucca vakoł niejkaj papularnaj i chajpovaj ciapier temy.

Imavierna, jany sapraŭdy zaniepakojenyja pryjezdam vialikaj kolkaści inšaziemcaŭ, asabliva ŭ situacyi, kali anijakaha ŭciamnaha tłumačeńnia taho, jak heta budzie realizavana, ad uładaŭ nie pastupaje.

Pakul pa hetaj temie pracujuć tolki prapahandysty, ale atrymlivajecca, zdajecca, tak sabie. U temu ŭklučylisia i siłaviki, jakija abiacajuć represii tym, chto niapravilna kamientuje padziei.

Całkam mahčyma, što stvaralnikaŭ supołki čakajuć represii ad biełaruskich siłavikoŭ hetak ža, jak heta było sa stvaralnikami supołak PVK «Redan».

«Naša Niva» — bastyjon biełaruščyny

PADTRYMAĆ

Kamientary20

  • Abu
    22.04.2025
    Znoŭ šyldy pierarablać - urdu da kitajskaj dadavać.
  • daviedka
    22.04.2025
    Pakistanciev (i nie tolko) užie połno dažie v samych otdalonnych uhołkach Biełarusi.
  • .
    22.04.2025
    > "Śpiecsłužby zvyčajna dziejničajuć bolš radykalna, źbirajučy takija źviestki, jakija dazvolać adnaznačna zdeananimizavać karystalnikaŭ."

    Jak minimum, u mnohich ludziej akaŭnt telehram nijak nie abaronieny, ź imiem, numaram telefonu, fatahrafijami. Kali jon stary, stvorany da 2021 h., to vierahodna daŭno deananimizavany praz kantaktnyja knihi tych, kaho zatrymlivali.
    A danyja dla bota "imia, uzrost, vobłaść, poł" dadatkova dapamohuć paćvierdzić identyfikacyju.

    Im ža nie patrebna ŭsich złavić, im dastatkova niekatorych, kab pryhasić chvalu i adspravazdačycca ab "vykryćci".

    Tak što nie śćviardžaju, što mienavita hety kanał - ad karnikaŭ, ale ŭ całkam padobnych umovach niebiaśpieka budzie.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Usie naviny →
Usie naviny

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar2

U Biełarusi chočuć pastrožyć praviły vydačy pazyk

Vy kažacie, što ŠI zamienić čałavieka? Vy nie razumiejecie natury čałavieka3

bolš čytanych navin
bolš łajkanych navin

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić