«Kožny miesiac razhladajem pavodziny takich hramadzian». U milicyi raskazali, jak zmahajucca z «darmajedami»
MUS zaćvierdziła kompleks dadatkovych mieraŭ pa pracy ź nie zaniatymi ŭ ekanomicy. Ich pavodziny razhladajuć ledź nie štotydzień.
Ilustracyjnaje fota milicyi Homiela
U hrodzienskaj milicyi raskazali, jak pracujuć z tak zvanymi «darmajedami». Jašče 1 krasavika MUS raspracavała kompleks dadatkovych mieraŭ pa prafiłaktyčnym uździejańni na pracazdolnych hramadzian, nie zaniatych u ekanomicy, u tym liku tych, chto viadzie asacyjalny ład žyćcia.
Ciapier milicyjaniery rehularna pravodziać rastłumačalnyja hutarki, u tym liku pra miery pa pracaŭładkavańni — jak padčas štotydniovych pryjomaŭ učastkovymi, tak i padčas abchodaŭ kvater. Siłaviki tłumačać hramadzianam, što im varta ŭładkavacca na pracu.
Štomiesiac pavodziny takich asobaŭ razhladajucca na pasiadžeńniach savietaŭ hramadskich punktaŭ achovy pravaparadku. Taksama pravodziacca hrupavyja prafiłaktyčnyja mierapryjemstvy pa sadziejničańni pracaŭładkavańniu z udziełam pradstaŭnikoŭ dziaržaŭnych orhanaŭ.
Čytajcie taksama:
Na Homielščynie žycharam, pryznanym «darmajedami», rassyłajuć pozvy ź milicyi
U śvietłahorskich siłavikoŭ na ścianie visić sapraŭdny «ikanastas» z partretami čynoŭnikaŭ FOTAFAKT
Pa Minsku buduć praviarać «darmajedaŭ» i tych, chto pracuje za miažoj
«Nu i kudy mnie, prybiralščycaj?» Maładaja maci nie moža znajści pracu paśla treciaha dekretu