Darmajedaŭ šukajuć navat siarod tych, chto źjechaŭ za miažu ŭ 1990-ch: telefanujuć svajakam u Biełarusi
«Darmajedaŭ» u Minsku šukajuć tak staranna, što zhadali pra ludziej, jakich niama ŭ krainie bolš za 30 hadoŭ.
Kala troch tydniaŭ tamu ministr unutranych spraŭ Ivan Kubrakoŭ na pasiadžeńni Minharvykankama paviedamiŭ, što ŭ Minsku buduć abnaŭlać śpisy «darmajedaŭ», tych, chto atrymlivaje zarpłatu ŭ kanviertach, a taksama tych, chto pracuje za miažoj.
Pa vynikach pravierki Kubrakoŭ prapanuje źmianić pracoŭnaje zakanadaŭstva: «Pracavać pavinny ŭsie, chto karystajecca sacyjalnymi vyhodami, jakija daje dziaržava».
Anansavanaja adpracoŭka ŭžo pačałasia. Pra adzin ź dziŭnych zvankoŭ z «analityčnaha adździełu» stała viadoma «Našaj Nivie».
— Šukali majho dziadźku, jaki emihravaŭ u Amieryku jašče ŭ siaredzinie 90-ch. Jon nie źjaŭlaŭsia ŭ Biełarusi bolš za 30 hadoŭ, — raspaviadaje surazmoŭca. — U mianie ažno vočy na łob paleźli, kali ja narešcie zrazumieŭ, kaho šukajuć. Skazali: «Apošniaje, što my pra jaho viedajem, heta što jon nabyŭ kvitok na samalot u ZŠA».
Mužčyna kaža, što jamu rastłumačyli: pra dziadźku zhadali, tamu, što šukajuć «darmajedaŭ».
— Spytali, čamu i pry jakich abstavinach dziadźka vyrašyŭ źjechać. Cikavilisia, ci jość u jaho amierykanskaje hramadzianstva.
Nahadajem, biełarusy, jakija traplajuć u śpisy niezaniatych, apłačvajuć pa poŭnych taryfach niekatoryja kamunalnyja pasłuhi (u vypadku, kali jany ŭłaśniki žylla).
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary