«Darmajedstva — heta ład žyćcia». Padatkavaja złaviła žančynu, jakaja handlavała kala pierachodu, i pafiłasofstvała
Staličnaja padatkavaja inśpiekcyja raskazała ab pakarańni žančyny, jakaja handlavała kala mietro biez dazvołu. Padatkaviki vyvieli z hetaj historyi cełuju teoryju.
Padatkaviki źviarnuli ŭvahu na žančynu, jakaja handlavała harodninaj i zakatkami kala ŭvachodu la mietro «Barysaŭski trakt» u Minsku. U žančyny kanfiskavali tavar na sumu ŭ tysiaču rubloŭ. Akramia taho, padatkaviki padličyli, što na handli biez dazvołu jana zarabiła try tysiačy.
Ciapier na žančynu składuć pratakoł. Jana atrymaje štraf, a taksama pavinna budzie zapłacić adziny padatak. Pryčym jon budzie pavialičany ŭ piać razoŭ, pakolki žančynu ŭžo łavili na nielehalnym handli.
Zdavałasia b standartny vypadak, ale jon padšturchnuŭ staličnych padatkavikaŭ da fiłasofskich razvažańniaŭ ab «darmajedstvie». Pa dadzienych inśpiekcyi, žančyna aficyjna nie pracuje z 2018 hoda, i ŭvieś hety čas jana zajmajecca handlem biez dazvołu.
«Na prykładzie hetaj hramadzianki i mnohich jaje «kaleh» stanovicca zrazumieła, što «darmajedstva» — heta nie stolki ciažkaja žyćciovaja situacyja, kolki ład žyćcia. Hladzicie, bo jana nie siadzić u kahości na šyi, a navat vielmi ciažka pracuje na pakul nieviadomaha nam «dziadźku»: šmat hadzin na nahach, choład, śpioka, praviaralniki», — piša kanał padatkovaj inśpiekcyi Minska.
Padatkaviki ličać, što žančyna całkam mahła b pajści pradaŭcom u lubuju kramu, ale nibyta nie choča hetaha rabić.
«Bo voś taki ład žyćcia joj padabajecca bolš. A raz tak, to, ź vialikaj vierahodnaściu, my ź joj jašče sustreniemsia. Na žal», — prahnazujuć padatkaviki.
-
Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach
-
Vierahodnaj pryčynaj dla pryjezdu Deruła ŭ Minsk stali zdymki dla rekłamy katedžaŭ
-
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie
Ciapier čytajuć
Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach3
Kamientary
Nie provieriať činovnikov-vziatočnikov i korrupcionierov, i sootnošienije ich oficialnych dochodov i ich raschodov i niedvižimosti v Drozdach - eto stil žiźni nałohovikov.