Śviet1313

50 dziejačaŭ kultury Francyi i prezident Makron zastupilisia za Depardjo, jaki abvinavačvajecca ŭ seksualnym hvałcie

«Kali Žerar Depardjo padviarhajecca takim napadkam, napadkam padviarhajecca mastactva. Žerar Depardjo, imavierna, najvialikšy z usich akcioraŭ. Apošniaja śviataja hłyba kino», — havorycca ŭ zvarocie.

Žerar Depardjo. Fota: Tristar Media / Getty Images

Bolš za 50 francuzskich akcioraŭ, režysioraŭ, piśmieńnikaŭ i muzykaŭ padpisalisia pad artykułam u francuzskaj haziecie Le Figaro z zaklikam spynić ckavańnie Žerara Depardjo. Z 2020 hoda akcior znachodzicca pad śledstvam pa abvinavačvańni ŭ zhvałtavańni. Hramadskaje šalmavańnie Depardjo vyrasła jašče bolš paśla pakazu dakumientalnaha filma «Complément d'enquête» (dalejšaje rasśledavańnie) na kanale France 2, piša Bi-bi-si.

Siarod ich režysior Biertran Blije, akciory Šarłota Remplinh, Natali Baj, Karol Bukie, Žak Vebier, Pjer Ryšar i Žerar Darmon, a taksama Karła Bruni i Žak Dziutron.

Jany zaklikajuć pavažać prezumpcyju nievinavataści luboha hramadzianina i nie bajkatavać vialikaha akciora. U artykule havorycca, što pazbaŭleńnie publiki jaho akciorskaha talentu było b trahiedyjaj i krokam da hibieli francuzskaha mastactva.

«Kali Žerar Depardjo padviarhajecca takim napadkam, napadkam padviarhajecca mastactva. Žerar Depardjo, vierahodna, najvialikšy z usich akcioraŭ. Apošniaja śviataja hłyba kino. My bolš nie možam moŭčki hladzieć, jak jaho linčujuć, kolki nianaviści na jaho vylivajecca», — havorycca ŭ artykule.

U abaronu Žerara Depardjo vystupiŭ i prezident Francyi Emanuel Makron, jaki adkryta zajaviŭ, što na akciora adkryli palavańnie.

«Vy nikoli nie dačakajeciesia majho ŭdziełu ŭ takim pieraśledzie. Jon prasłaviŭ Francyju, našych vialikich aŭtaraŭ i ich piersanažy. Francyja hanarycca im», — skazaŭ Makron u intervju telekanału France 5.

Pazicyja Makrona była hnieŭna sustretaja aktyvistami baraćby suprać hvałtu ŭ dačynieńni da žančyn.

Lidar Sacyjalistyčnaj partyi Aliŭje For abvinavaciŭ Makrona ŭ niesurjoznym staŭleńni da svaich pieradvybarnych abiacańniaŭ.

«Hvałt u adnosinach da žančyn — hałoŭnaja prablema mandata Makrona. Hety prezident sam nie vieryć ni ŭ adno sa svaich abiacańniaŭ», — skazaŭ For.

Fieminisckaja arhanizacyja Generation Feministe taksama nazvała pazicyju prezidenta Francyi abrazaj u adras usich tych, kamu daviałosia sutyknucca z seksualnym hvałtam, i ŭ pryvatnaści tych, chto abvinavaciŭ u hetym Depardjo.

Paśla skarhi aktrysy Šarłot Arno ŭ 2020 hodzie ŭ dačynieńni da Depardjo było pačata sudovaje rasśledavańnie pa padazreńni ŭ zhvałtavańni i seksualnym hvałcie.

Jon abviarhaje abvinavačvańni, zajaŭlajučy, što jany ŭstupili ŭ seksualny kantakt pa ŭzajemnaj zhodzie. Pieršapačatkova palicyja źniała abvinavačvańnie z-za adsutnaści dokazaŭ zhvałtavańnia. Ale sprava była znoŭ adkryta paśla apielacyi, a Arno zajaviła, što jana znachodziłasia pad jaho emacyjnym «kantrolem».

Try miesiacy tamu była zaviedziena druhaja sprava, paśla taho jak aktorka Elen Daras abvinavaciła Depardjo ŭ tym, što jon nieprystojna kranaŭ jaje ŭ 2007 hodzie padčas zdymak filma «Dyskateka».

U prakuratury zajaŭlajuć, što sprava moža być spynienaja, bo hetyja padziei adbylisia zanadta daŭno.

***

U asnovu stužki «Complément d'enquête» loh videamateryjał, źniaty kamandaj, jakaja supravadžała Depardjo ŭ jaho pajezdcy ŭ Paŭnočnuju Kareju ŭ 2018 hodzie, prymierkavanaj da 70-hodździa ŭtvareńnia krainy.

U film-rasśledavańnie «Complément d'enquête» patrapili kadry, na jakich francuzski akcior adpuskaje ŭ adras žančyn nieprystojnyja zaŭvahi i robić niedvuchsensoŭnyja žesty, u tym liku ŭ adras niepaŭnaletniaj dziaŭčynki.

Svaim filmam dakumientalisty chacieli pakazać, što Depardjo, jaki trapiŭ u epicentr seks-skandału niekalki hadoŭ tamu, zusim nie niavinnaja achviara, jak heta sprabujuć padać jaho šmatlikija prychilniki ź liku kulturnaj i palityčnaj elity Francyi.

Kamientary13

  • Asia K.
    27.12.2023
    Čamu nie Dziepardźjo??
  • Kate
    27.12.2023
    Hvałtaŭniki ŭstupilisia za inšaha hvałtaŭnika. Usie, chto zastupajecca, ličyć, što zhvałcić žančynu - ničoha strašnaha.
  • Baba dura
    27.12.2023
    Kate, da, usie mužyki svołačy
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku9

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Usie naviny →
Usie naviny

Łukašenka abmierkavaŭ z Babuškinym «Babulinu krynku»9

Pamiatajecie videa pra karovu ŭ sałonie «Žyhuloŭ»? Dla kiroŭcy papularnaść skončyłasia prablemami9

Pucin źmianiŭ mety ŭ vajnie — amierykanskaja raźviedka9

Valeryj Capkała raskazaŭ, čym ciapier zajmajecca16

Partyju, jakuju aktyŭna padtrymlivajuć łukašysty, pryznali ekstremisckaj u Hiermanii43

Błohiera Biaspałava zavočna asudzili na 18 hadoŭ. Suma kampiensacyi źmienšyłasia ŭ šmat razoŭ2

Turysty kupili tur u Ryhu, praviali 36 hadzin u aŭtobusie, ale navat nie trapili ŭ Jeŭrasajuz10

Prapahandyst ANT pachvaliŭsia, jak razhavaryŭ dla svajho filma biełarusaŭ zamiežža. Nasamreč jon navat nie razmaŭlaŭ ź imi6

Skandalny minski restaran źmianiŭ nazvu, ale ŭłaśniki brenda ŭsio roŭna niezadavolenyja

bolš čytanych navin
bolš łajkanych navin

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku9

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Hałoŭnaje
Usie naviny →

Zaŭvaha:

 

 

 

 

Zakryć Paviedamić