U Minsku narabili šmat niepatrebnych parkinhaŭ. Ciapier ich buduć pierarablać

U Minsku aktyŭna ŭparadkoŭvajuć parkovačnuju sistemu: niedabudavanyja parkinhi ci tyja, jakija akazalisia ŭ vyniku niezapatrabavanymi, płanujuć pieratvaryć u šmatfunkcyjanalnyja abjekty, paviedamlaje News.by.

Zdymak ilustracyjny. Krynica: freepik.com

Naprykład, u mikrarajonie Karziuki stajać dva vialikija parkinhi, na budaŭnictva jakich pajšło kala 7 miljonaŭ biudžetnych srodkaŭ. Ale ŭ vyniku jany tak i nie znajšli svaich karystalnikaŭ. Ciapier ich źbirajucca pierarabić pad kramy abo abjekty bytavoha absłuhoŭvańnia.

Prablemy zastajucca i ź niedabudavanymi parkinhami. Na vulicach Łabanka, Sucharaŭskaj, Jankoŭskaha i Skrypnikava ŭźnikli sapraŭdnyja doŭhabudy, jakija abo treba pačynać znosić, abo dumać, jak ich pieraprafilavać. Časta hetyja abjekty akazvajucca niepatrebnymi, bo pobač jość sučasnyja handlovyja centry ź vialikimi adkrytymi parkovačnymi placoŭkami.

«U Minsku, jak akazałasia, šmat pralikaŭ i niedahladaŭ. I inviestary dapuskali pamyłki, i haradskija ŭłady nie naležnym čynam praličvali pierśpiektyvy dalejšaj ekspłuatacyi parkinhaŭ. Jak my bačym, heta prynosić horadu tolki dadatkovyja straty», — kanstatavaŭ namieśnik načalnika Hałoŭnaha ŭpraŭleńnia kantrolu budaŭnictva, ŽKH i pa horadzie Minsku Kamiteta dziaržkantrolu Biełarusi Uładzimir Bondar. 

Kamientary da artykuła