U Minsku zaviaršyli budaŭnictva piacizorkavaha hatela na miescy kolišniaha «Biełekspa»
U Minsku zaviaršyli budaŭnictva haścinicy Waldorf Astoria na miescy byłoha vystavačnaha kompleksu «Biełekspa», i ciapier užo možna braniravać numary — pa vielmi vysokich cenach, piša Blizko.by.
Jak paviedamiła staršynia Kamiteta budaŭnictva i inviestycyj Minharvykankama Iryna Hontarava ŭ efiry «Radyjo-Minsk», abjekt uviedzieny ŭ ekspłuatacyju i rychtujecca da adkryćcia. Heta budzie piacizorkavy hatel z restaranam, spa-centram, padziemnym parkinham i ŭsim nieabchodnym dla abjekta takoha ŭzroŭniu. Ciapier idzie nabor piersanału, i Hontarava nie vyklučaje, što adkryćcio adbudziecca jašče da kanca hoda.
Budynak «Biełekspa» źnieśli jašče ŭ krasaviku 2017 hoda, a na jaho miescy zapłanavali šmatfunkcyjanalny kompleks pad nazvaj «Hrand Hatel Minsk». Učastak byŭ pieradadzieny kampanii Kopaonik Property Investment z AAE pavodle ŭkazu Alaksandra Łukašenki ŭ 2015 hodzie. Budaŭnictva pačałosia tolki ŭ 2019‑m i niekalki razoŭ pieranosiłasia.
Na sajcie Waldorf Astoria užo adkryta braniravańnie numaroŭ z 2 lutaha 2026 hoda. Pavodle infarmacyi, apierataram vystupaje suśvietnaja sietka Hilton.
Ceny numaroŭ:
- Prezidencki luks — ad 3256 dalaraŭ za noč; pry poŭnym pakiecie pasłuh sa śniadankam i mahčymaściu admieny broni — 3845 dalaraŭ;
- Numar «Deluks» — ad 428 dalaraŭ, abo 590 dalaraŭ sa śniadankam i dadatkovymi vyhodami.
Dla ŭdzielnikaŭ prahramy Hilton Honors dziejničajuć źnižki: minimalnaja cana na «Deluks» składaje 407 dalaraŭ, a na «Prezidencki luks» — 3093 dalary.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary