Najbujniejšy hastramoł i sučasny parkinh: što jašče źjavicca pobač z Kamaroŭskim rynkam u Minsku
Siamipaviarchovy parkinh i najbujniejšy ŭ krainie hastramoł. Jakim stanie kvartał u miežach vulic Kulman — Jakuba Kołasa — Viery Charužaj, dzie raniej raźmiaščaŭsia zavod vyličalnaj techniki, — u materyjale Minsk-Navinaŭ.
Ad stankoŭ da ofisaŭ
Paśla pierajezdu zavoda na inšuju placoŭku ŭ centry horada zastalisia pustavać vytvorčyja karpusy i administracyjnyja budynki. Rekanstrukcyjaj histaryčnych pamiaškańniaŭ zaniałasia hrupa kampanij «TAPAS». Zabudoŭščyk transfarmuje byłyja cechi ŭ prastory, zachoŭvajučy pramysłovuju identyčnaść miesca.
Zaraz tut ŭzvodziać šmatfunkcyjanalny kompleks «Atmaśfiera». Užo adkryty pieršyja abjekty — biznes-centry. Nad astatnimi zonami pracujuć budaŭniki. Ź ciaham času tut zapracujuć handlovyja placoŭki, hastramoł, dziciačy zabaŭlalny centr i ekarynak.
Pierš čym prystupić da stvareńnia sučasnaha kompleksu, śpiecyjalisty staranna abśledavali kožny budynak, kab acanić ahulny stan kanstrukcyj. Sastarełyja i znošanyja elemienty daviałosia demantavać — źniesieny staryja pieraharodki, dachi i inžyniernyja sistemy. Niasučyja kanstrukcyi ŭmacavali.
— My sutyknulisia ź ciažkaj zadačaj — adaptavać pramysłovyja budynki da sučasnych standartaŭ, nie parušyŭšy ich pieršapačatkovy vyhlad. U pracesie rabot uličvali asablivaści staroj zabudovy, što zapatrabavała indyvidualnych inžyniernych rašeńniaŭ dla kožnaj častki abjekta, — raspavioŭ śpiecyjalist kampanii-zabudoŭščyka.
Vytvorčyja pamiaškańni adroźnivajucca vysokimi stolami, adkrytymi prastorami, kałonami zamiest pieraharodak i vialikimi voknami, jakija prapuskajuć šmat naturalnaha śviatła. Hetyja asablivaści zachavali. Budučyja arandatary zmohuć samastojna padzialić prastoru pad svaje patreby.
— Architekturnaja kancepcyja prajekta spałučaje sučasny padychod z akcentam na adkrytaść. Šklanyja fasady zabiaśpiečvajuć vysokuju naturalnuju aśvietlenaść unutranych pamiaškańniaŭ, padkreślivajuć maštab i dynamiku abjekta, a taksama harmanična ŭpisvajucca ŭ haradski łandšaft centra Minska. Pry hetym u niekalkich budynkach zachavany asobnyja kanstruktyŭnyja elemienty byłoj zabudovy, — adznačyŭ pradstaŭnik kampanii-zabudoŭščyka.
Na siońnia zavieršany try karpusy biźnies-centra IT max, raźmieščanyja ŭzdoŭž vulic Ja. Kołasa i Kulman, a taksama 9-paviarchovaja častka šmatfunkcyjanalnaha centra Delphi — jana bližej da Kamaroŭskaha rynku.
— Kab padtrymać architekturny vyhlad susiednich budynkaŭ, u afarmleńni fasadaŭ nizkapaviarchovaj zabudovy vykarystali dekaratyŭnuju tynkoŭku ź imitacyjaj cahlanaj muroŭki i vientylavanyja fasadnyja sistemy. A voś Delphi vyrašyli zašklić, kab nadać vizualnuju lohkaść, — tłumačyć śpiecyjalist.
Kardynalna źmianiać płaniroŭku zabudoŭščyk nie staŭ — nievialikija pa pamiery pamiaškańni vyrašyli pakinuć dla małoha biźniesu.
Taksama ofisy źjaviacca ŭ budynku byłoha HC «Pasaž». Akramia ich, na pieršym paviersie raźmieściać handlovyja kropki, hipiermarkiet, fud-kort i trenažornuju zału.
Hastramoł «Manifiest»
Jaho stvarajuć na miescy, dzie raniej raźmiaščalisia papularnaja strytfud-placoŭka i fiermierski rynak. Pavodle prajekta, tut płanujuć stvaryć čatyry poŭnafarmatnyja restarany i 34 restarannyja korniery ahulnaj kolkaściu bolš jak na 1 000 pasadačnych miescaŭ.
Taksama na vizualizacyjach vidać sučasnyja kropki hramadskaha charčavańnia i palubilisia mnohim fudtraki — jany stajać uzdoŭž zachavanaha skviera. Zabudoŭščyk abiacaje, što heta budzie najbujniejšy hastramoł u krainie: ahulnaja płošča — zvyš 10 tys. kv. m.
Sučasny parkinh
Siamipaviarchovy parkinh na 568 mašynamiescaŭ uzvodziać u centry kvartała, pobač z hastramołam. Fasad płanujuć aformić viertykalnymi draŭlanymi łamielami, ale pakul na budaŭničaj placoŭcy vidać tolki bietonnyja ścieny.
U hetym ža budynku na pieršym paviersie raźmieściać aŭtamyjku i siamiejny centr «Hałaktyka», dzie baćki zmohuć pakinuć dzicia, idučy pa pakupki.
Tut źjaviacca pakoi dla adpačynku. Centr zojmie bolš za 7 tys. kv. m, uvachod budzie jak z vulicy, tak i z parkinha. Na terytoryi kompleksu abstalujuć niekalki naziemnych parkovak na 784 aŭtamabili.
Kab zabiaśpiečyć zručnaść pieramiaščeńnia, arhanizavana niekalki varyjantaŭ zajezdu. Adzin ź ich — z boku vuł. Ja. Kołasa.
— Asablivaja ŭvaha nadajecca dobraŭparadkavańniu prylehłaj terytoryi i arhanizacyi transpartnaj łahistyki. Kožnaja zona atrymaje zručnyja ŭvachody i vychady, intehravanyja ŭ isnujučyja piešachodnyja patoki horada. Zapłanavana azielanieńnie z vykarystańniem viertykalnaha i dekaratyŭnaha łandšaftnaha dyzajnu, jaki arhanična ŭpišucca ŭ architekturu budynkaŭ i hramadskich miescaŭ.
Navakolnaja prastora stanie zručnaj dla prahułak i adpačynku pad adkrytym niebam, — padkreśliŭ pradstaŭnik kampanii-zabudoŭščyka. Ahulnaja płošča budučaha kompleksu — bolš za 80 tys. kv. m.
Ciapier čytajuć
Što viadoma pra biełarusa, jaki zahinuŭ la Elbrusa3
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary
Ci naležaŭ raniej, bo jaho tam pasadzili, trapiŭ ŭ niamiłaść, a ci ŭžo vypuścili, ci nie, što dalej było ŭžo nia viedaju.