Na volu vyjšła Taćciana Kanieŭskaja — byłaja davieranaja asoba Cichanoŭskaj

Byłaja davieranaja asoba Śviatłany Cichanoŭskaj padčas prezidenckaj kampanii 2020 hoda Taćciana Kanieŭskaja adbyła ŭvieś termin pakarańnia. Doma žančynu čakaŭ niapoŭnahadovy syn, piša «Homielskaja viasna».

Taćciana Kanieŭskaja. Fota: «Radyjo Svaboda»

Taćciana Kanieŭskaja była davieranaj asobaj Śviatłany Cichanoŭskaj padčas prezidenckaj kampanii 2020 hoda. U žniŭni taho ž hoda paśla pieratrusaŭ u jaje domie Taćcianu zatrymali. Jaje abvinavacili pavodle art. 293 KK («masavyja biesparadki») i art. 292 KK («zachop budynkaŭ»).

4 maja 2021 hoda sud pryznačyŭ žančynie 6 hadoŭ pazbaŭleńnia voli.

Padčas adbyvańnia pakarańnia Kanieŭskuju nieadnarazova źmiaščali ŭ ŠIZA i PKT, u 2022 hodzie pieraviali na turemny režym u Mahiloŭ. Pa infarmacyi pravaabaroncaŭ, jana była abmiežavanaja ŭ spatkańniach i pieradačach, mieła prablemy sa zdaroŭjem.

Taćciana pryjšła ŭ hramadzianski aktyvizm praz baraćbu za svajho syna, asudžanaha pavodle narkatyčnaha artykuła. Jana była adnoj z pradstaŭnic inicyjatyvy «Matčyn ruch 328», vystupała za źmiakčeńnie antynarkatyčnaha zakanadaŭstva i inicyjavała haładoŭku maci asudžanych. U 2019 hodzie bałatavałasia ŭ deputaty.

Kamientary da artykuła