U Homieli prachodzić pikiet z udziełam błohieraŭ i kandydataŭ u deputaty
U Homli na vulicy Chatajeviča, što ŭ 10 chvilinach ad centru horadu, paśla 16-j hadziny raspačaŭsia pikiet z udziełam dzieviaci apazycyjnych kandydataŭ u deputaty, piša Radyjo Svaboda.
Na zamovu arhanizataraŭ pikieta pryvatnaja zamoŭlenaja firma zmantavała scenu dla vystupaŭ, ale achoŭniki supiermarkieta «Eŭraopt» zajavili, što pikiet — uzhodnieny, a scena — nie. Dy razabrali jaje.
Pa stanie na 17 hadzin na placoŭcy kala supermarkietu sabralisia kala 200 čałaviek. Kala kramy — kala 20 supracoŭnikaŭ milicyi ŭ cyvilnym. Vystupajuć kandydaty ŭ deputaty, jany kažuć pra niespravyjadlivyja vybary i prablemy ŭ hramadztvie.
Kandydat u deputaty fermer Jury Hancevič nie dajechaŭ da pikietu — jaho traktar zatrymali supracoŭniki DAI i adahnali na štrafstajanku.
Błohier Siarhiej Cichanoŭski zajaviŭ, što na akcyju musiŭ pryjechać błohier ź Miensku MozgOn, ale, pa słovach Cichanoŭskaha, jaho zatrymali.
Akcyju anansavaŭ u svaim YouTube-kanale «Strana dla žiźni» błohier Siarhiej Cichanoŭski. Na pikiet, anons jakoha ŭ internecie mieŭ bolš za 40 tysiač prahladaŭ, pryjšło bolš za 100 čałaviek.
«U Biełarusi niama sumlennych vybaraŭ, nie źmianiajecca ŭłada, niama niezaležnych sudoŭ, niama svabody schodaŭ; nami kirujuć ludzi, jakich my nie vybirajem; prymajucca zakony, jakija škodziać našaj krainie. Nieŭzabavie my možam stać častkaj inšaj dziaržavy, i nas pra heta navat nie spytajuć. My pavinny ŭziać na siabie adkaznaść, kali my chočam pieramien», — kazaŭ u zaprašeńni na sustreču Siarhiej Cichanoŭski.
Błohier padkreśliŭ, što akcyja całkam uzhodnienaja, zakonnaja i sankcyjanavanaja, bo na jaje padali zajaŭki kandydaty ŭ deputaty. Uviečary 14 listapada jon paviedamiŭ pra sprobu svajho zatrymańnia.
Pikiety la supermarkieta «Eŭraopt» zamovili šerah kandydataŭ u deputaty — Taciana Kanieŭskaja (ruch «Maci 328»), niezaležnyja kandydaty Jury Hancevič i Alena Davydava, siabra BNF Vasil Ramanaŭ i aktyvist AHP Uładzimier Niapomniaščych dy inšyja.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary