Pryvatyzacyja zaciahvajecca

Zamiest 31 śniežnia 2005 h. čekavaja pryvatyzacyja zavieršycca 30 červienia 2007 h. Heta aznačaje faktyčnaje zamarožvańnie pracesu raździaržaŭleńnia.

Pastanova ŭradu №950 zrazumiełaja: čekami «Majomaść» nie skarystalisia amal dva z pałovaj miljony čałaviek. Tak, u 1993 h. było vydadziena 427,6 młn čekaŭ «Majomaść», ź jakich «pa pryznačeńni» vykarystana krychu bolš za 50% — 227 600 000. Zychodziačy z koštu adnaho čeka (jaho naminalnaja vartaść siońnia — 4400 rub.), kab kampensavać niavykarystanyja čeki, uradu daviałosia b šukać u biudžecie 710 młrd rub. Srodki dla biudžetu niemałyja.

Tak, 21 červienia pałata pradstaŭnikoŭ adkłała pa prośbie ŭradu ŭžo padrychtavany zakonaprajekt ab dadatkach i źmienach u zakon ab imiannych pryvatyzacyjnych čekach, zhodna ź jakimi zaviaršeńnie pryvatyzacyi było b praviedziena biaz vypłat kampensacyj za niavykarystanyja čeki. Pakul ža čekavaja pryvatyzacyja nia budzie aficyjna abvieščana zavieršanaj, na abarot akcyj, nabytych za čeki, visić maratoryj. Heta nie dazvalaje raźvicca ŭ krainie fondavamu rynku.

Niadaŭna na pres-kanferencyi namieśnica ministra ekanomiki Taciana Starčanka padkreśliła, što Biełaruś nikudy nie śpiašajecca ŭ sfery pryvatyzacyi j «trymajecca ŭzvažanaha padychodu ŭ hetym pytańni». I takuju palityku zachavaje j nadalej. Pavodle jaje słoŭ, hałoŭnaja zadača — u pošuku investara, zdolnaha vykanać zadačy, «jakija stavić dziaržava». Ale ŭ realnaści atrymlivajecca, što ŭ apošnija siem-vosiem hadoŭ pryvatyzacyja ŭ krainie faktyčna zamarožanaja, bo majomaść naahuł nie pierachodzić da novych ułaśnikaŭ. Pradpryjemstvy tolki źmianiajuć arhanizacyjnuju formu praz akcyjanavańnie, ale dziaržava pry hetym usio roŭna zachoŭvaje ŭ siabie jak minimum kantrolny pakiet. Tak što faktyčna pryvatyzacyja praciahvajecca, tak i nie raspačaŭšysia.

∎

Letaś formu ŭłasnaści źmianili 145 dziaržaŭnych pradpryjemstvaŭ (ź ich 94 — kamunalnaj ułasnaści, 51 — respublikanskaj).

Usie pradpryjemstvy respublikanskaj ułasnaści stali akcyjanernymi tavarystvami (22 ź ich — pramysłovyja, 12 — ahrarnyja, 7 — handlovyja, 5 — budaŭničyja). A z 94 kamunalnych pradpryjemstvaŭ 84 stali AAT, i tolki 10 byli pradadzieny na aŭkcyjonach (pałova ź ich — handlovyja pradpryjemstvy).

Ad pačatku pryvatyzacyi ŭ Biełarusi źmianili formu ŭłasnaści 4054 dziaržaŭnyja pradpryjemstvy (1061 respublikanskaje, 2993 — kamunalnyja).

• 0
• 0
• 0
• 0
• 0
• 0
• 0
• 0