Naviny tenisu
Pieršaja rakietka Biełarusi Maksim Mirny viarnuŭsia z čaćviortaha na druhoje miesca ŭ suśvietnym rejtynhu najlepšych parnych tenisistaŭ. Pieršaje miesca trymaje jahony naparnik u parnym razradzie — šved Junas Bjorkman. U minułuju niadzielu biełarus razam z rasiejcam Michaiłam Južnym vyjhraŭ turnir «Kubak Kramla». U adzinočnym razradzie biełarus zastaŭsia na 32-m miescy. Miž tym u Miensku za Domam aficeraŭ u najbližejšy čas źjaviacca krytyja tenisnyja korty.
Hlebava traŭma
Paŭabaronca londanskaha «Arsenału» Alaksandar Hleb vybyŭ na dva miesiacy. Pryčyna — traŭma kalena, atrymanaja ŭ časie hulni futbolnaj zbornaj Biełarusi z Šatlandyjaj. Takim čynam, biełaruski futbalist prapuścić niekalki matčaŭ anhielskaj premjer-lihi i ŭsie matčy «Arsenału» ŭ hrupavym turniry Lihi čempijonaŭ.
Ot, hetyja akrabaty
Na čempijanacie Eŭropy ŭ Salonikach (Hrecyja) biełaruskija akrabaty zavajavali čatyry ŭznaharody — dva siarebranyja i dva bronzavyja medali. «Sierabro» na rachunku tryjo ŭ składzie Haliny Starevič, Taciany Motuz, Maryi Hiruć, a taksama «junijorak» Hanny Dudkoŭskaj, Alisy Ŭsmanavaj i Julii Chrypač. «Bronza» na rachunku duetu Aliny Juško i Kaciaryny Muraški, a taksama miašanaha duetu ŭ składzie Nastaśsi Žarnasiek i Siarhieja Bychaŭcava.
«Zorka» i «Słavija» — na vylet
Za try tury da finišu futbolnaha čempijanatu vyznačylisia kamandy, što rasstajucca z vyšejšaj lihaj. Heta mienskaja «Zorka-BDU» i dvuchrazovy čempijon Biełarusi (1996, 2000) mazyrskaja «Słavija». Na źmienu im u vyšejšuju lihu viarnulisia babrujskaja «Biełšyna» i viciebski «Lakamatyŭ». U subotu 22 kastryčnika salihorski «Šachtar» moža aficyjna aformić zvańnie čempijona. Dla hetaha harniakam dastatkova nie prajhrać doma žodzinskamu «Tarpeda».
AR, belapan.com, belta.by
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6
Kamientary