My ŭsio-ŭsio razumiejem

A narod nie razumieje,

Heta praŭda ci mana:

Ci pasiejali daremna,

Ci pažali my darma?

«Zet»

Pasłali mianie na kursy pavyšeńnia kvalifikacyi. Pačałasia navuka... z uroku «Ŭvodziny ŭ idealohiju». Vykładčyk paskardziŭsia, što padručnikaŭ niama, tamu pieršym punktam było čytańnie artykułu ŭ rajoncy. Plus kamentar — apazycyja, što nia bačyć dobraha, Paźniak, ulotki jakoha ŭkinuli ŭ vykładčykavu paštovuju skryniu, i palaki, što pravakujuć kanflikty. Dastałosia i rasiejskim aliharcham, jakija marać vykupić usiu našu siniavokuju krainu. Paśla było padkreślena, što ŭ nas usio dobra, sielskaja haspadarka pracuje, zavody pieravykonvajuć pakazčyki.

Ale dalej prahučaŭ vyraz, jaki hučyć, pavodle słoŭ znajomych, što pavyšali kvalifikacyju ŭ inšych haradach, paŭsiul: «Tolki voś naš horad krychu specyfičny. Tamu i nie vykonvajucca ŭsie pakazčyki».

Usie razumiejuć, što idealohija krainy — heta idealohija kiraŭnictva dziaržavy. A toje vychavanaje pavodle metadyčak savieckaha tavarystva «Viedy».

U 1996 h. u Mahiloŭskim technalahičnym instytucie mnie davodziłasia prysutničać na hetkich navukach. Na lekcyju «Historyja relihii» pryploŭsia stary, što ledź lipieŭ. Pachvaliŭsia, što ŭsio žyćcio adpracavaŭ u tavarystvie «Viedy», abjeździŭ usiu Mahiloŭskuju vobłaść dy pačaŭ pa pamiaci čytać historyju Evanhiella. Praŭda, karystaŭsia ateistyčnymi tvorami nakštałt «Zabaŭlalnaha Evanhiella». Zakaciŭšy vočy, čytaŭ niejki vierš, jak hołub ubłytaŭsia ŭ spadnicu Božaj Maci, paśla čaho zdaryŭsia cud… Jaho spynili j nahadali, što ciapier nie saviecki čas. Stary aratar chucieńka suniaŭsia.

Takija starečyja bzdury dasiul prajaŭlajucca ŭ pieradavych artykułach rajonak dy metadyčnych paradnikach abłasnych adździełaŭ pa idealohii. Voś hetkaje jadnańnie sa stalinskimi časami va ŭsim — kažy tolki toje, što patrabujuć. Ułady abłaščać.

Viarnusia da maich kursaŭ. Pračytaŭšy pieradavy artykuł rajonki, skončyŭšy z kamentarami, stary vykładčyk narešcie ŭźniaŭ hałavu i adznačyŭ, što paśla vajny jon vučyŭsia ŭ adnoj VNU. Vykładaŭ u ich prafesar vyšejšaj matematyki, jaki dziŭna pavodziŭ siabie na ispytach. Adrazu paśla padrychtoŭki studenta vykładčyk čytaŭ bilet i, kali pieršaje pytańnie tyčyłasia roli partyi ŭ matematyčnaj navucy, havaryŭ: «Pieršaje pytańnie vy, ja baču, viedajecie. Pačynajcie z druhoha». Paśla vykładčyk kursaŭ dadaŭ: «Vy ž usio-ŭsio razumiejecie…»

Baranavičy

• 0
• 0
• 0
• 0
• 0
• 0
• 0
• 0