Aleh Ałkajeŭ: Videazapis zabojstva Zacharanki isnuje, ja chutka jaho ŭbaču

Na dumku Aleha Ałkajeva, byłoha načalnika minskaha SIZA №1, u jakim pryvodziacca ŭ vykanańnie śmiarotnyja prysudy, treba nazvać imiony ŭsich, chto pieraškadžaŭ rasśledavańniu spraŭ ab ich źniknieńni. Pra heta jon zajaviŭ u intervju Deutsche Welle.

- Navošta vy niadaŭna naviedali Biełaruś, bo heta niebiaśpiečna dla vas?

- Nie chaču pieradaručać svaje spravy inšym ludziam. Ja sabraŭ patrebnuju mnie infarmacyju, šukaŭ ślady zahinułych apazicyjanieraŭ. Isnuje šmat viersij, naprykład, što ich pareštki pierazachavali i spalili.

Adnoj z metaŭ majho vizitu była, u pryvatnaści, videakasieta z zapisam pakarańnia eks-ministra ŭnutranych spraŭ Juryja Zacharanki.

- Čamu vy vyrašyli samastojna praciahnuć rasśledavańnie?

- Ja chaču padkreślić, što hetyja spravy zamiać nie atrymajecca, tamu što jany nie majuć terminu daŭnaści.

I adkaznaść za papuščalnictva pry rasśledavańni takoha rodu złačynstvaŭ taksama biesterminovaja.

Pryniata ličyć, što asnoŭnaja vina lažyć na kiraŭnictvie krainy. Ale nielha vyklučać i adkaznaść rabotnikaŭ śledčaha aparata, jakim materyjały pieradavalisia z ruk u ruki, a rasśledavańnie tak i nie zrušyłasia ź miesca. Naprykład,

čamu śledčy Śviatłana Bajkova, jakaja pieršyja dva hady viała spravu ab źniknieńni Zacharanki, viedajučy ŭsie abstaviny, advodziła śledstva ŭ bok?

Jana šukała Juryja Zacharanki ŭ Hiermanii, dzie jon nibyta chavaŭsia. Pa biełaruskim telebačańni navat pakazvali kadry doma, dzie "pasialiŭsia" źnikły hienierał. Ale ž śledčy vydatna razumieła, dzie treba šukać jaho cieła.

Vina lažyć nie tolki na joj, ja nazavu i inšyja imiony.

- Kaho mienavita tyčycca vaša rasśledavańnie?

- Adkaznaść asob prakuratury, MUS i KDB.

U Biełarusi tolki šeść Hienieralnych prakuroraŭ pamianialisia za apošniaje dziesiacihodździe, i kožny prosta abaviazany byŭ rasśledavać hetyja spravy.

Jon pisaŭ byłomu u toj čas kiraŭnikom MUS Uładzimiru Navumavu ab datyčnaści da vykradańniaŭ ludziej kamandzira SOBRa Dźmitryja Paŭličenki, a taksama sakratara Savieta biaśpieki Viktara Šejmana. Ale Navumaŭ i Šejman zvalvali adzin na adnaho adkaznaść, kali raspaviadali, jak idzie śledstva, deputatu Parłamienckaj Asamblei Rady Jeŭropy Chrystasu Purhurydesu, jakija pryjazdžajuć u Biełaruś dla praviadzieńnia niezaležnaha rasśledavańnia.

- Vy zhadali pra videazapisy pakarańnia Juryja Zacharanki. Pra jaje daŭno chodziać razmovy. Vy sami jaje bačyli?

- Jana isnuje, i ja chutka jaje ŭbaču. Tyja, chto zrabiŭ kopii, byli nie prastaki.

U minułym hodzie mnie prapanoŭvali kupić kasietu za 250 tysiač dalaraŭ, ale ŭ mianie niama takich hrošaj.

- A vy nie dumali, što vaš intares chtości moža vykarystoŭvać i advieści pa iłžyvym śledzie?

- Jak mianie možna vykarystoŭvać? Ja prosta cikaŭlusia tym, čym abaviazany byli cikavicca śledčyja prakuratury, i źbiraju fakty dla novaj knihi. Ja moh by apracavać isnujučy materyjał i vydać novuju, dobra čytanuju knihu. Ale budučamu śledstvu pa hetych spravach spatrebiacca nie emocyi, a fakty.

Kažuć, z časam ciažka šukać dokazy, tym bolš, schavanyja hłyboka ŭ ziamli. Ale jość šmat śviedkaŭ, jakija viedajuć, chto i što rabiŭ, i jany hatovyja adkazvać na pytańni. Viadoma, na ŭmovach ananimnaści. Pakul ja šmat čaho nie mahu raspaviadać.

My nie ŭ cacki hulajem, za złačynstvy takoha rodu praduhledžany rasstreł.

• 0
• 0
• 0
• 0
• 0
• 0
• 0
• 0