Pieršaja rakietka płaniety Viktoryja Azaranka i strałok Siarhiej Martynaŭ nazvany najlepšymi spartsmienami Biełarusi 2012 hoda. Taki vynik tradycyjnaha apytańnia haziety «Sportivnaja panorama» (vyniki nadrukavanyja ŭ siońniašnim numary).
U apytańni, jakoje pravodziłasia ŭžo ŭ 54-ty raz, uziali ŭdzieł 115 žurnalistaŭ, jakim prapanoŭvałasia nazvać 10-tku spartoŭcaŭ (rasctaviŭšy ich ad 1-ha da 10-ha miesca), a taksama najlepšuju kamandu ŭ hulniavych vidach, najlepšuju kamandu ŭ niehulniavych vidach sportu dy najlepšaha treniera 2012 hoda. Pry vyznačeńni łaŭreataŭ bačna vidavočnaja pieravaha miedalistaŭ Alimpijskich hulniaŭ u Łondanie.
Pieršaje miesca ŭziała pieršaja rakietka śvietu — Viktoryja Azaranka z 964,5 bałami.
Na
1-je miesca jaje pastavili 65 žurnalistaŭ. Viktoryja ŭ 2012 h. stała alimpijskaj čempijonkaj u mikście (razam z Maksimam Mirnym), zavajavała bronzu ŭ adzinočnym razradzie Alimpijady, pieramahła na Australian Open (turnir Vialikaha šlemu), pieramahła na šerahu turniraŭ, a taksama ŭpieršyniu stała pieršaj u suśvietnym rejtynhu.
2-je miesca ŭ alimpijskaha čempijona, strałka Siarhieja Martynava — 913 bałaŭ (21 pieršaje miesca).
3-je miesca — u płyŭčychi Alaksandry Hierasimieni — 908 bałaŭ (15 pieršych miescaŭ).
4-je miesca — u bijatłanistki Darji Domračavaj — 777 (8 pieršych miescaŭ).
5-je — u tenisista Maksima Mirnaha — 506,5 (6 pieršych miescaŭ).
6-je miesca — Luboŭ Čarkašyna (mastackaja himnastyka, 484 bały).
7-je miesca — Raman Pietrušenka i Vadzim Machnieŭ (viesłavańnie na bajdarkach i kanoe, 396 bałaŭ).
8-je — Alaksandr Bahdanovič / Andrej Bahdanovič (viesłavańnie na bajdarkazch i kanoe, 388).
9-je — Maryna Škiermankova (ciažkaja atletyka, 157)
10-je — Siarhiej Rutenka (handboł, 122).
Usiaho byli nazvanyja imiony 51 atleta,
u tym liku Nadzieja Astapčuk, jakaja spačatku zavajavała zołata Alimpijskich hulniaŭ, ale była dyskvalifikavanaja za ŭžyvańnie dopinhu.
Astapčuk, pryčym, zaniała ŭ apytańni žurnalistaŭ
20-je miesca z 20 bałami.
Najlepšaj kamandaj pa hulniavych vidach sportu nazvany barysaŭski BATE — 69 bałaŭ. Mužčynskaja zbornaja pa handbole, jakaja na čale z trenieram Juryjem Šaŭcovym i lidaram kamandy Siarhiejem Rutenkam, prabiłasia na čempijanat śvietu pa handbole, zaniała 2-je miesca (35 bałaŭ).
Najlepšaj kamandaj pa niehulniavych vidach sportu nazvana zbornaja pa mastackaj himnastycy, jakaja zavajavała srebra Alimpijskich hulniaŭ (61 bał), cikava, što 2-je miesca ŭ tych ža dziaŭčat, tolki ŭ naminacyi «hrupavyja praktykavańni» (25 bałaŭ).
Najlepšym trenieram žurnalisty pryznali Uładzimira Šantaroviča (viesłavańnie na bajdarkach i kanoe) — 26 bałaŭ. Usiaho adzin bał (25) sastupiŭ jamu Viktar Hančarenka (BATE).
Kamientary