Z aficyjnaha sajta Ministerstva enierhietyki Rasii vydalena abviaržeńnie zajavy Alaksandra Łukašenki pra dasiahnieńnie damoŭlenaści pa abjomach pastaŭki ŭ Biełaruś rasijskaj nafty.
Abviaržeńnie źnikła viečaram 21 śniežnia, praź niekalki hadzin paśla taho, jak było apublikavana. Atrymać rastłumačeńni ŭ Minenierha RF pakul nie ŭdałosia ŭ suviazi z vychadnym dniom.
U piatnicu na sustrečy sa studentami i vykładčykami Biełaruskaha dziaržaŭnaha ŭniviersiteta infarmatyki i radyjoelektroniki Alaksandr Łukašenka paviedamiŭ, što Biełaruś i Rasija damovilisia pra pastaŭki nafty ŭ 2013 hodzie ŭ abjomie 23 młn. ton.«My z Rasijaj pravodzili pieramovy. Jany voś 18,5 młn. ton prapanavali, my chacieli 23 młn. ton. My z rasijanami, praŭda, damovilisia na pastaŭku 23 młn. ton nafty», — skazaŭ jon.
«Infarmacyja pra dasiahnieńnie damoŭlenaści ab pastaŭkach 23 młn. ton rasijskaj nafty ŭ Respubliku Biełaruś u 2013 hodzie nie adpaviadaje rečaisnaści. Na siońniašni dzień pahadnieńnie pra abjomy pastavak u Respubliku Biełaruś rasijskaj nafty ŭ 2013 hodzie nie padpisana», — havaryłasia ŭ paviedamleńni viedamstva.Hetyja słovy nieŭzabavie abvierhła Minenierha RF.
- Raniej rasijski bok zajaŭlaŭ, što abjomy pastavak abmiarkoŭvajucca va ŭviazcy z vyrašeńniem prablemy ekspartu biełaruskim bokam rastvaralnikaŭ. U Maskvie vykazvali zaniepakojenaść tym, što Biełaruś mahła ekspartavać naftapradukty pad vyhladam rastvaralnikaŭ i razbavicielaŭ, kab paźbiehnuć vypłaty ekspartnych pošlin u biudžet RF. Łukašenka, sa svajho boku, zajaŭlaŭ, što pytańnie ekspartu rastvaralnikaŭ nie pieraškadžaje padpisańniu naftavaha bałansu z RF na 2013 hod.
- 11 śniežnia biełaruski kiraŭnik zajaviŭ, što raźličvaje padpisać bałans na pastaŭku nafty ŭ najbližejšyja tydni. «Dumaju, što my damovimsia pra 23 młn. ton, — skazaŭ jon. — Jość adzinaja prablema, techničnaja: ci zmohuć taki abjom pastavić pa trubie? Prykładna 22 młn. ton zmohuć, a 1 młn. ton my hatovy pastavić čyhunačnym transpartam». Biełaruś, padkreśliŭ Łukašenka, nastojvaje na pastaŭcy mienavita 23 młn. ton — taki abjom nieabchodny dla biełaruskich pradpryjemstvaŭ, jakija dziakujučy madernizacyi zdolnyja pierapracoŭvać vialikija abjomy nafty.
- Rasija, pavodle jaho słoŭ, zhodnaja na pastaŭku 23 młn. ton nafty na ŭmovach uzajemnaj pastaŭki Biełaruśsiu vysokaaktanavaha bienzinu. Takija ŭmovy prymalnyja dla Biełarusi, skazaŭ kiraŭnik dziaržavy. I dadaŭ: «Choć heta supiarečyć duchu Adzinaj ekanamičnaj prastory i sajuza, jaki my budujem, — tut pavinna być svaboda pieramiaščeńnia tavaraŭ». Umovy pastaŭki nafty abmiarkoŭvalisia 19 śniežnia na sustrečy Alaksandra Łukašenki z Uładzimiram Pucinym, paviedamiła
Ciapier čytajuć
U jakim miesiacy biełarusy pamirajuć čaściej za ŭsio?1
Kamientary