Kiraŭnik Kuzbasa vybačyŭsia za abvinavačańnie maci ŭ hibieli niemaŭlataŭ u Novakuźnieckim radzilnym domie
«Mnie ščyra škada, što maje słovy pryčynili kamuści bol», — skazaŭ Illa Sieradziuk.
«Havoračy pra trahiedyju, što adbyłasia, ja zakranaŭ składanyja miedycynskija aśpiekty. Pry hetym razumieju, što ŭ takoj situacyi asabliva važna nie tolki toje, što havorycca, ale i jak heta hučyć. Mnie ščyra škada, što maje słovy pryčynili kamuści bol», — napisaŭ Illa Sieradziuk u svaim telehram-kanale.
Jon dadaŭ, što sam vyrašyŭ vydalić zapis efiru, u jakim zajaviŭ, što adkaznaść za hibiel niemaŭlataŭ u novakuźnieckim radzilnym domie № 1 niasuć sami paradzichi, bo ŭ ich nibyta byli škodnyja zvyčki.
Čynoŭnik učora vystupiŭ u abaronu miedykaŭ, zajaviŭšy, što viersija ab pamyłcy miedykaŭ niasłušnaja, bo ŭ kožnaha dziciaci byŭ svoj doktar, i jany nie mahli pamylicca adnačasova. Taksama jon adkinuŭ zdahadki pra najaŭnaść u balnicy ŭnutrybalničnaj infiekcyi.
Asnoŭnuju adkaznaść za zdareńnie Sieradziuk tady ŭskłaŭ na samich paradzich. «Trahiedyja, jakaja adbyłasia, tyčycca tych małych, bolšaść ź jakich byli niedanošanymi. Vaha pry naradžeńni ŭ niekatorych składała 600‑800 hramaŭ. Niekatoryja mamy nie naziralisia ŭ darodavy pieryjad naohuł. <…> Sumna kazać, ale budučyja mamy nie prosta nie sočać za svaim zdaroŭjem, ale ŭ niekatorych jość škodnyja zvyčki. Viadoma ž, niedapuščalna, što jany pryjazdžajuć u radzilniu na chutkaj u stanie apjanieńnia», — skazaŭ Sieradziuk.
Kiraŭnica kamiteta Dziarždumy pa abaronie siamji Nina Astanina za niekalki hadzin da vybačeńniaŭ Sieradziuka napisała, što «na miescy kiraŭnictva krainy» jana pastaviła b pytańnie ab adchileńni hubiernatara ad pasady.
13 studzienia stała viadoma, što ŭ Novakuźnieckim radzilnym domie № 1 za studzieńskija śviaty zahinuli dzieviać novanarodžanych.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary