Pravaabaronca Bandarenka atrymaje 100 młn rubloŭ kampiensacyi za źniavoleńnie ŭ kałonii
Kiraŭnik pravaabarončaj arhanizacyi «Płatforma» Andrej Bandarenka atrymaje 100 miljonaŭ rubloŭ kampiensacyi za amal dvuchhadovaje niezakonnaje źniavoleńnie.
Bandarenka aceńvaŭ pamier maralnaj škody ŭ 400 miljonaŭ rubloŭ. U sudovaj skarzie jon abhruntavaŭ svajo patrabavańnie tym, što jaho dvojčy asudzili, što ŭ źniavoleńni jon pravioŭ 1 hod i 10 miesiacaŭ i pry hetym nie mieŭ mahčymaści kantaktavać z rodnymi.
A. Bandarenka ŭ 2008 h. udzielničaŭ u vybarach u pałatu pradstaŭnikoŭ. Nie pahadziŭsia z aficyjnym vynikam vybaraŭ, zhodna ź jakim prajhraŭ. Pratesty skončylisia tym, što suprać Bandarenki zaviali kryminalnuju spravu — nibyta jon abakraŭ byłuju ŭłasnuju firmu. Na čas źjechaŭ ź Biełarusi. Viarnuŭšysia, byŭ aryštavany 22 traŭnia 2009 hoda. Abvinavačany ŭ kradziažy ŭ bujnych pamierach, złoŭžyvańni słužbovym stanoviščam i machlarstvie.
9 kastryčnika 2009 hoda sudździa Pieršamajskaha suda Mienska Leanid Jarmolenkaŭ pryznaŭ Bandarenku vinavatym u tym, što jon nibyta abakraŭ svaju firmu praz słužbovyja złoŭžyvańni, i asudziŭ na 7 hadoŭ źniavoleńnia. Bandarenka adbyvaŭ pakarańnie ŭ Babrujskaj kałonii № 2 uzmocnienaha režymu.
22 sakavika 2011 hoda byŭ apraŭdany Minskim haradskim sudom.
Siabra Nacyjanalnaha kamitetu AHP.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary