U vioscy Harochaŭka Babrujskaha rajona ranicaj 30 studzienia zdaryŭsia pažar u žyłym domie. Viaskoŭcy paviedamili ŭ MNS, što budynak pałaje.
Kali ratavalniki prybyli na miesca, dom hareŭ adkrytym połymiem i ŭtvaryŭsia husty dym. Susiedzi paviedamili, što ŭnutry moža znachodzicca 88‑hadovy haspadar.
Na žal, pažar zabraŭ žyćcio piensijaniera: jaho znajšli biez prykmiet žyćcia na padłozie kuchni. Akramia hetaha, ahoń źniščyŭ dach doma, paškodziŭ pierakryćci, ścieny i majomaść. Pryčyna ŭzharańnia ŭstanaŭlivajecca.
U MNS nahadvajuć, što praciahłyja mocnyja marazy časta pryvodziać da pažaraŭ u pryvatnym siektary. Žychary časta napalvajuć piečki da čyrvani, ale nie ŭsie jany ŭ naležnym stanie. Śpiecyjalisty rajać naviedvać svaich pažyłych baćkoŭ i svajakoŭ, jakija žyvuć u pryvatnych damach, dapamahać z ramontam piečaŭ i elektrapravodki, a taksama čystkaj dachu i terytoryi ad śniehu.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary