U Damašach na Maładziečanščynie paranienaja kabyła kanaje na darozie: kinuli haspadary — fota
Jany nie dabivajuć žyviołu — ci to «chočuć pradać», ci to prosta abyjakavyja da jaje pakutaŭ.
Pra situacyju ŭ Damašach partału Kraj.by paviedamili maładziečanki Aksana Kiryluk, Nadzieja Novikava i Vita Barysava.
Pa słovach susiedziaŭ, kabyłu źbiła mašyna ŭ piatnicu ranicaj, u žyvioły była złamanaja naha.
Kabyła lažyć na vulicy, za niekalki mietraŭ ad trasy Maładziečna — Smarhoń nasuprać viaskovaj kaplički. Susiedzi padkłali pad jaho sałomu, sprabujuć karmić, ale vidać, što žyvioła pamiraje. Miedycynskaj dapamohi joj nie akazvajecca, pakolki haspadary chočuć jaje zdać na miasa, a ź lekami ŭ arhaniźmie nie prymajuć.
Na słovy ab tym, što žyvioła pakutuje, ležačy prosta na darozie pad adkrytym niebam u maroz, haspadary adkazvajuć, što heta narmalny chod padziej dla žyvioły, a im treba viarnuć hrošy.
Aksana, Nadzieja i Vita źviarnulisia na «Dabračynny partał abarony i pravoŭ žyvioł «Ehida» dla zboru srodkaŭ, kab vykupić kabyłu i ŭsypić. Ale, mahčyma, znojdziecca chtości jašče, chto vykupić kania, kab skončyć jaho pakuty.
Pa słovach haspadyni Śviatłany, kabyłu kličuć Majka, joj hadoŭ
«Heta absalutna biesčałaviečnaje abychodžańnie z žyviołaj! — śćviardžaje Aksana Kiryluk. — Koń prosta lažyć i pamiraje va ŭsich na vačach, i nichto nie moža jaho baranić, bo maje haspadaroŭ, a im usio adno.
Nam treba zakon, jaki b dazvoliŭ abaraniać žyvoje ad takich ludziej».Ale pakul ludzi dumajuć, Majka lažyć na darozie pry śmierci. Tych, chto moža dapamahčy, prosiać źviartacca pa t.:
(044) 792-61-75 ,(029) 681-49-71 , MTS(033) 313-68-16 .
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary