Apieratyŭniki słužby pa baraćbie z ekanamičnymi złačynstvami UUS Homielskaha abłvykankama zatrymali kiroŭcu adnoj ź miascovych budaŭničych arhanizacyj i dvuch žycharoŭ Rahačoŭskaha rajona -- baćku i syna, jakija abstalavali ŭ haražy mini-AZS, dzie zajmalisia niezakonnaj realizacyjaj vykradzienaha dyzpaliva.
Jak paviedamiła staršy opierupaŭnavažany pa asabliva važnych spravach hałoŭnaha ŭpraŭleńnia pa baraćbie z ekanamičnymi złačynstvami MUS Biełarusi Vieranika Paśmiećjeva, ustanoŭlena, što žychary Rahačoŭskaha rajona ažyćciaŭlajuli skupku ŭ kiroŭcaŭ dziaržarhanizacyj vykradzienych haruča-zmazačnych materyjałaŭ. Paliva jany zachoŭvali ŭ siabie na ŭčastku, u haražy, abstalavaŭšy jaho dla zapraŭki skradzienym dyzpalivam pastajannych klijentaŭ.
Jak praviła, źliŭ paliva ažyćciaŭlaŭsia ź bienzavoza ŭ płastmasavyja jomistaści ŭ lasnych masivach Homielskaj vobłaści albo bienzavozy padjazdžali na «chatniuju AZS» i źlivali paliva adrazu ŭ mietaličnyja baki.
Tak, u lesie pablizu AAT «BMZ» pry čarhovaj takoj sprobie źlivu tony dyzielnaha paliva apieratyŭniki pasprabavali zatrymać parušalnikaŭ, adnak kiroŭcu bienzavoza ŭdałosia ŭciačy. Tady supracoŭniki BEZ prajšli za skupščykam paliva prosta da jaho chaty, dzie i vyjavili chatniuju aŭtazapravačnuju stancyju ŭ haražy. Paźniej byŭ zatrymany i kiroŭca bienzavoza. Jon skazaŭ, što pra miesca realizacyi i košty ŭsio było ahavorana zahadzia, a 1 t dyzpaliva jon pradaŭ pa canie 6.300 rubloŭ za 1 ł, nižej, čym na AZS.
Usiaho było znojdziena i kanfiskavana try tony vykradzienaha dyzielnaha paliva.
Ciapier pa materyjałach ABEZ Rahačoŭskaha RAUS u dačynieńni da vadziciela adnoj ź dziaržaŭnych budaŭničych arhanizacyj raspačata sprava pa art. 211 KK (prysvajeńnie i rastrata), padazravany źmieščany ŭ IČU.
U dačynieńni da skupščykaŭ paliva apieratyŭniki BEZ pravodziać dalejšuju pravierku. Ciapier treba budzie vyjavić usich kiroŭcaŭ, jakija pastaŭlali na chatniuju AZS vykradzienaje dziaržaŭnaje dyzielnaje paliva.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary