Kala 40 tysiač ha zabrudžanych u vyniku avaryi na ČAES ziamiel mohuć viarnuć u haspadarčy abarot
Prykładna 40 tysiač hiektaraŭ ziamiel, jakija nie vykarystoŭvajucca paśla avaryi na ČAES, moža być uviedziena ŭ haspadarčy abarot
Pra heta paviedamiŭ namieśnik načalnika departamienta pa likvidacyi nastupstvaŭ katastrofy na ČAES Ministerstva pa nadzvyčajnych situacyjach Mikałaj Cybulka 23 krasavika na pres-kanfierencyi ŭ Minsku.
Pavodle jaho słoŭ, da takoj vysnovy pryjšli vučonyja respublikanskaha navukova-daśledčaha ŭnitarnaha pradpryjemstva «Instytut radyjałohii» pavodle vynikaŭ invientaryzacyi bolš jak 240 tys. ha ziamiel, jakija paśla avaryi na ČAES byli vyviedzieny ź sielskahaspadarčaha abarotu i dahetul nie vykarystoŭvajucca. Ziemli, što razhladajucca dla ŭvodu ŭ haspadarčy abarot, hałoŭnym čynam znachodziacca ŭ pojmach rek. Tamu pieravaha budzie addavacca arhanizacyi na ich pašy, a nie vykarystańniu pad rallu. Pierad pryniaćciem rašeńnia ab uviadzieńni ŭ haspadarčy abarot terytoryi jašče treba abśledavać na ŭtrymańnie radyjenuklidaŭ.
Jak adznačyŭ Cybulka, invientaryzacyja paciarpiełych ad avaryi na ČAES ziamiel pakazała nie tolki častkovaje samaačyščeńnie hetych terytoryj u vyniku raspadu radyjenuklidaŭ — na hetych ziemlach vyraśli kusty i kupiny, pahoršyŭsia ich kulturtechničny stanu. Mnohija z vyviedzienych ziamiel raniej byli mielijaravany, i siońnia mielijaracyjnaja sietka tam sastarełaja. «Na niekatorych ziemlach adbyłosia zabałočvańnie abo padtapleńnie, heta značyć paharšeńnie mielijaracyjnaha stanu», — skazaŭ pradstaŭnik departamienta.
Pavodle jaho infarmacyi, pieršapačatkova ź sielskahaspadarčaha abarotu paśla katastrofy było vyviedziena 264 tys. ha ziamiel. Paśla z-za naturalnych pracesaŭ ačyščeńnia ziamiel u suviazi z raspadam radyjenuklidaŭ u haspadarčy abarot znoŭ byli ŭviedzieny 17 tys. ha.
Ciapier čytajuć
Andrej Švied, architektar represij, pryznačany staršynioj Viarchoŭnaha suda20
Kamientary