Upłyvovy hruzinski parłamientaryj Hivi Tarhamadze, što pražyvaje ź lutaha ŭ Litvie, jakoha Rasija abvinavačvaje ŭ padbuchtorvańni da biesparadkaŭ u hetaj krainie, płanuje viarnucca na radzimu,piša Delfi.lt
Jon śćviardžaje, što moža viarnucca dadomu, bo Interpoł vyklučyŭ sa svajoj bazy dadzienych prośbu Rasii ab jaho zatrymańni i vyšuku, a Hienprakuratura Litvy adchiliła prośbu Rasii ab jaho ekstradycyi. Heta rašeńnie prakuroraŭ paćvierdziŭ Vilenski akruhovy sud.
Na pres-kanfierencyi ŭ sojmie Litvy ŭ aŭtorak Tarhamadze vykazaŭ radaść, što jamu ŭdałosia abaranicca cyvilizavanymi sposabami. Usie abvinavačvańni Rasii jon adkidaje.
«Ja nie znajomy z rasijskimi apazicyjanierami. Nie źjaŭlałasia vypadku ź imi sustrakacca, znajomicca, ale z radaściu paznajomiŭsia b», - skazaŭ hruzinski palityk. Tarhamadze taksama zakidali suviazi ź biełaruskaj apazicyjaj.
U lutym Rasija vydała ordar na aryšt Tarhamadze, abvinavaciŭšy jaho ŭ arhanizacyi i finansavańni masavych biesparadkaŭ u Rasii. U minułym hodzie padčas pratestavych akcyj na vulicy Maskvy vyjšli kala 100 tys. niezadavolenych ŭładami ludziej. Sam Tarhamadze śćviardžaje, što rasijskija ŭłady pieraśledujuć jaho z pryčyny jaho palityčnaj dziejnaści i vostraj krytyki ŭ adras Maskvy.
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
-
Dźmitryj Miadźviedzieŭ: Finlandyi daviadziecca zapłacić za svaju miarzotnuju rusafobiju
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu4
Kamientary