Analityk Siarhiej Čały nie pradbačyć niejkaj padziei, jakaja b radykalna źmianiła trendy ŭ 2026 hodzie.
Ekanamičny zastoj moža praciahvacca doŭha, razvažaje jon na «Biełsacie». Ale ŭ nastupnym hodzie, miarkuje Čały, moža daśpieć trend z pytańniem navat apalityčnych biełarusaŭ: «Dziela čaho ja heta tryvaju?»
«Hałoŭnyja palityčnyja źmieny adbyvajucca nie ŭ momant, kali ŭsio kiepska, a kali nadzieja na toje, što i dalej budzie dobra, źmianiajecca adčuvańniem, što nie, dalej tak nie budzie, a naadvarot, budzie horš», — kaža Čały.
Vajna va Ukrainie, pradčuvaje Čały, niejak skončycca — ci kiepska, ci nie vielmi kiepska. Ale dla Biełarusi adzinym dobrym scenarom skančeńnia hetaj vajny jon bačyć tolki poŭnuju i biezumoŭnuju kapitulacyju Rasiei. Kali vajna skončycca na ŭmovach, blizkich da patrabavańniaŭ Rasiei, Łukašenka zastaniecca sam-nasam z Uładzimiram Pucinym: nie budzie ničoha, što možna «pradać» Złučanym Štatam, nie budzie pra što razmaŭlać ź jeŭrapiejskimi susiedziami, a budzie pahroza pašyreńnia vajny na krainy NATO.
Palityčny režym Biełarusi — heta nie prosta «dyktatura na štykach», ličyć jon. Łukašenka baicca luboha abureńnia, jakoje moža zdarycca navat praz maršrutki. A jano abaviazkova ŭźniknie praz štości — i instrumientaŭ jaho zhasić niašmat. Chutčej za ŭsio, prahnazuje Čały, buduć pierachodzić da sapraŭdnaj dyktatury, u jakoj «dobra zafiksavany pacyjent nie maje patreby ŭ aniestezii».
Ciapier čytajuć
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu4
Kamientary
[Zredahavana]
Prahnozy ich nie spraúdžvajucca na 99%, jak i vada ad Ałana Čumaka zaradžanaja šlacham 3 litrovaha słoika pierad TV