Na svabodu vyjšła kiraŭnictva kancertnaj kampanii, što raniej zabiaśpiečvała praviadzieńnie adboru na «Jeŭrabačańnie»
Ź SIZA vypuścili Illu Pijatroŭskaha i Valeryja Kaleśnikava z ivent-kampanii Blackout Studio.
Zatrymańni pradstaŭnikoŭ kancertnaj śfiery pačalisia letam 2025 hoda paśla taho, jak u adnaho ź pieršych aryštavanych siłaviki znajšli na telefonie telehram-čat «Orh BY», stvorany ŭ kavidnyja časy dla abmienu dośviedam arhanizacyi mierapryjemstvaŭ u novych realijach suisnavańnia ź virusam. Toj čat u vyniku pryznali ekstremisckim farmavańniem.
Za kratami apynułasia nie tolki kiraŭnictva Blackout Studio, ale i načalniki Kvitki.by, i ciapier užo eks-dyrektar Pałaca Respubliki Maksim Prychadoŭski, i Alaksandr Manyšaŭ — arhanizatar kancertaŭ, jaki mieŭ dačynieńnie da ahienctvaŭ «Atam Intertejnment» i «Anbrejkbł», što absłuhoŭvali prałukašenkaŭskija mierapryjemstvy.
Akramia dačynieńnia da «ekstremisckaha» čata, Prychadoŭskaha abvinavačvali ŭ karupcyi, a Blackout Studio pakarali za manapalizacyju rynku.
«Kamuści va ŭładzie nie spadabałasia, što kampanija zanadta manapalizavała rynak, absłuhoŭvała bolšaść mierapryjemstvaŭ. Prapanavali dzialicca. Mahčyma, što biznes adcisnuć. Maŭlaŭ, čamu heta za darahoje abstalavańnie dziaržaŭnyja placoŭki musiać płacić tak šmat levym ludziam», — raskazvała «Našaj Nivie» adnaja z krynic.
Kampanija Blackout Studio była zasnavanaja ŭ 2009 hodzie. Joj kiravaŭ vypusknik BDU Illa Pijatroŭski. U svaim arsienale jany mieli ŭsio nieabchodnaje dla praviadzieńnia mierapryjemstvaŭ navat na samych bujnych placoŭkach — ad śvietłavoha i hukavoha abstalavańnia da kinietyki i padjomnych miechanizmaŭ. Kampanija technična zabiaśpiečvała vystupy takich zorak jak Śviatłana Łabada, Bi-2, Lindemann dy inšych.
Sajt i sacsietki Blackout Studio nie abnaŭlajucca sa śniežnia 2024‑ha hoda. Nieviadoma, što budzie sa studyjaj paśla vyzvaleńnia kiraŭnictva. Ź infarmacyi «Našaj Nivy», kiraŭnictva Kvitki.by amal adrazu pačało supracoŭnictva sa śledstvam, tamu apynułasia na voli dosyć chutka. Prychadoŭskaha vyciahnuła siabroŭka Natalla Ejsmant. U Pijatroŭskaha i Kaleśnikava takich upłyvovych znajomych nie było, sa śledstvam jany supracoŭničali nie nadta achvotna, tamu jość vialikaja imaviernaść, što paŭnavartasna zajmacca svajoj spravaj dalej jany nie zmohuć.
«Mahčyma, ich biznes ciapier piarojdzie ŭ ruki partniorki Pijatroŭskaha, kancertnaj režysiorki Čułpan Hanijevaj», — dapuskajuć surazmoŭcy.
«Naša Niva» — bastyjon biełaruščyny
PADTRYMAĆCiapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
S vyzvaleńniem.
Mocy i ciarpieńnia, kab adužyć.