Kamandzirovačnyja paśviedčańni ŭ Biełarusi płanujecca zrabić nieabaviazkovymi
Pra paviedamiła siońnia ministr pracy i sacyjalnaj abarony Marjana Ščotkina ŭ Pałacie pradstaŭnikoŭ pierad pryniaćciem u pieršym čytańni papravak u Pracoŭny kodeks Biełarusi,paviedamlaje BIEŁTA.
Ministr rastłumačyła, što papraŭki ŭ tym liku datyčacca kamandzirovačnych paśviedčańniaŭ, jakija prapanujecca zrabić nieabaviazkovym dakumientam. Rašeńnie ab vykarystańni abo nievykarystańni paśviedčańniaŭ buduć prymać rabotadaŭcy.
Adkazvajučy na pytańnie deputata Valeryja Huščy, ministr pracy i sacyjalnaj abarony adznačyła, što heta navieła vielmi šyroka abmiarkoŭvałasia. Pry hetym jana padkreśliła: «My stvarajem umovy dla viadzieńnia biźniesu i spraščeńnia buchhałtarskaha ŭliku». Ministr źviarnuła ŭvahu, što kali rabotnik jedzie ŭ kamandziroŭku za miažu, to za miežami Biełarusi dziejničajuć inšyja zakony i ŭ prymajučaj arhanizacyi biełaruski bok nie moža patrabavać stavić piačatku i podpis u kamandzirovačnym paśviedčańni.
Pradstaŭlajučy prajekt zakona ŭ parłamiencie, Marjana Ščotkina paviedamiła, što dzieviać ź dziesiaci pracujučych hramadzian u Biełarusi — najomnyja rabotniki, jakija zaklučyli pracoŭny dahavor.
Papraŭki ŭ kodeks zabaraniajuć dyskryminacyju pry pryjomie na rabotu na padstavie ŭzrostu abo miesca žycharstva. Adnaho fakta adznačeńnia ŭ abjavie ab vakansii patrabavańniaŭ pa ŭzrostu moža być dastatkova dla zvarotu ŭ sud. «Nie vielmi dobra, kali najmalnik ustanaŭlivaje ŭzrostavy cenz», — adznačyła Marjana Ščotkina.
Akramia taho, zakranuty pracoŭnyja adnosiny ŭ prafiesijnym sporcie. Urehulavany pytańni vypłaty zarabotnaj płaty spartsmienam i trenieram u čas adchileńnia ad spabornictvaŭ i da pryniaćcia rašeńniaŭ ab dyskvalifikacyi.U hety pieryjad prapanujecca płacić za faktyčna vykananuju rabotu, ale nie mienš jak dźvie treci ad ustanoŭlenaj taryfnaj staŭki (akładu). Havoračy na hetu temu, Marjana Ščotkina padziakavała viadomamu sparsmienu, deputatu Vadzimu Dzieviatoŭskamu i ŭ cełym pradstaŭnikam spartyŭnaj śfiery za dapamohu ŭ padrychtoŭcy «spartyŭnych» papravak.
Pašyrajucca mahčymaści raboty pa sumiaščalnictvu. Naprykład, budzie dazvolena padzarablać takim čynam u vychadnyja dni, u volny čas abo pry vymušanym prastoi pradpryjemstva. Papraŭki spraščajuć i paradak uzhadnieńnia vodpuskaŭ rabotnikaŭ.Terminy buduć vyznačacca z ulikam mierkavańnia rabotnika, ale ŭ intaresach pradpryjemstva. Pry hetym kali ŭ kalektyŭnym dahavory prapisana, naprykład, patrabavańnie ab uzhadnieńni z prafkamam, to jano
Novaŭviadzieńni datyčacca i nadomnaj pracy. Heta paniaćcie pašyrajecca. Miarkujecca, što nadomnik zmoža pracavać sa svaimi instrumienami i materyjałami nieabaviazkova ŭ svajoj kvatery, a ŭ lubym pamiaškańni.Pry hetym ministr pracy i sacyjalnaj abarony Marjana Ščotkina adznačyła, što raniej nadomnaja praca była charakterna ŭ asnoŭnym dla chatnich haspadyń i piensijanieraŭ. Ciapier joj zajmajucca maładyja ludzi, pradstaŭniki roznych intelektualnych prafiesij.
Marjana Ščotkina adznačyła, što, na dumku mižnarodnych arhanizacyj, biełaruskaje pracoŭnaje zakanadaŭstva hibkaje i efiektyŭnaje, naprykład, pavodle acenki Suśvietnaha banka, pa takich pakazčykach Biełaruś zajmaje
Dziejučy Pracoŭny kodeksu Biełarusi amal 14 hadoŭ. Z 2007 hoda ŭ jaho nie ŭnosilisia źmianieńni. Hetyja papraŭki datyčacca bolš jak 170 artykułaŭ dakumienta.Rabota nad hetymi źmianieńniami i dapaŭnieńniami viałasia amal dva hady. Papraŭki ŭ kodeks na siońniašnim pasiadžeńni vyklikali niamała pytańniaŭ z boku deputataŭ. Paśla abmierkavańnia zakonaprajekt byŭ pryniaty ŭ pieršym čytańni.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary