Aŭtaram dyzajnu novaha hrodzienskaha prajaznoha staŭ 17‑hadovy chłopiec
U Hrodnie aŭtaram dyzajnu novaha haradskoha prajaznoha bileta staŭ 17‑hadovy Rusłan Bubnovič. Jahonaja rabota pieramahła ŭ konkursie, jaki arhanizavaŭ haradski aŭtobusny park u suviazi z uviadzieńniem novaj sistemy apłaty prajezdu — z vykarystańniem validataraŭ i śpiecyjalnych płastykavych kartak, jak u Minsku, piša «Hrodzienskaja praŭda».
Na konkurs była padadziena 41 prapanova, a finalny vybar zrabili sami žychary Hrodna praz hałasavańnie.
Ideja paŭdzielničać pryjšła Rusłanu litaralna za dva dni da zakančeńnia pryjomu rabot, ale jon vyrašyŭ pasprabavać. Za karotki čas chłopiec vyvučyŭ dośvied inšych haradoŭ, u tym liku Minska i Maskvy. Jaho natchniła maskoŭskaja karta «Trojka», adnak jon imknuŭsia stvaryć ułasny, hrodzienski vobraz.
U jakaści hałoŭnaha vizualnaha elemienta Rusłan vybraŭ budynak dramatyčnaha teatra, a kalarovuju hamu padbiraŭ z ulikam firmovaha stylu aŭtobusnaha parka. U vyniku atrymaŭsia dyzajn, jaki haradžanie pryznali najbolš udałym dla novaha prajaznoha.
Hrafičnym dyzajnam Rusłan zachaplajecca z 13‑ci hadoŭ. Spačatku samastojna asvojvaŭ stvareńnie sajtaŭ, navučaŭsia na biaspłatnych anłajn-kursach. U 15 hadoŭ jon vyjhraŭ hrant na navučańnie ŭ dyzajn-studyi ŭ Sankt-Pieciarburhu, što dapamahło jamu ŭvajści ŭ prafiesijnaje asiarodździe. Z taho času chłopiec vykonvaje zamovy nie tolki dla znajomych, ale i dla klijentaŭ z-za miažy.
Ciapier Rusłan sumiaščaje pracu ŭ Minsku z vučobaj u Hrodzienskim dziaržaŭnym humanitarnym kaledžy. Akramia taho, jon pracuje nad navučalnym prajektam — stvaraje 3D-madel miemaryjalnaha kompleksu, jakuju płanuje zaviaršyć da leta. Svajoj hałoŭnaj maraj junak nazyvaje ŭdzieł u afarmleńni Dnia horada Hrodna ŭ 2028 hodzie.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
A ŭžo potym u hulniu ŭstupiŭ Aŭtobusny park: "Pri razrabotkie finalnoj viersii dokumienta rabota-pobieditiel budiet ispolzovana s sobludienijem triebovanij zakonodatielstva i norm orfohrafii."
Chatiełasia b daviedacca i zapomnić imia toj k#rvy, što "sabludała zakanadacielstvo".