Sudździa Minskaha haradskoha suda Uładzimir Karnoŭ pakinuŭ abvinavaŭčy prysud žurnalistam, nie zaŭvažyŭšy istotnych parušeńniaŭ u administratyŭnych spravach, paviedamlaje pres-słužba HA «BAŽ».
U svaich skarhach na raniejšy prysud advakat zatrymanych 6 maja žurnalistaŭ Alaksandr Halijeŭ rabiŭ akcent na vializnaj kolkaści niedakładnaściaŭ i parušeńniaŭ, jakija mieli miesca ŭ sudzie nad siabrami HA «BAŽ».
Aproč hetaha Alaksandr Halijeŭ padkreśliŭ, što śviedki z boku milicyi byli zacikaŭlenyja ŭ pryznańni žurnalistaŭ vinavatymi. Da dovadaŭ advakata dałučylisia i sami raniej asudžanyja žurnalisty, jakija padrabiazna raspaviali pra akaličnaści zatrymańnia i dziejańni supracoŭnikaŭ milicyi.
U pryvatnaści pra toje, što supracoŭniki milicyi nie pradstaŭlalisia zatrymanym, nie tłumačyli pryčyny zatrymańnia, nie dali mahčymaść zatrymanym aznajomicca z pratakołam administratyŭnaha parušeńnia i hd.
Niahledziačy na heta sudździa Uładzimir Karnoŭ «nie znajšoŭ padstavaŭ» admianić administratyŭnaje pakarańnie. Žurnalisty Alaksandr Jaraševič i Dźmitryj Hałko z takim rašeńniem nie zhodnyja i namierany abskardzić jaho ŭ Viarchoŭnym sudzie.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»3
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary