U Paŭdniovaj Karei babulam i dziadulam ułady płaciać za dohlad unukaŭ pa 200 dalaraŭ na miesiac
Takim čynam ułady ekśpierymientujuć z novymi sposabami vyrašeńnia prablemy imklivaha źnižeńnia naradžalnaści ŭ krainie.
U Paŭdniovaj Karei vypłačvajuć babulam i dziadulam štomiesiačnuju dapamohu ŭ pamiery kala 200 dalaraŭ na dohlad unukaŭ, piša The Independent.
Takaja ekśpierymientalnaja prahrama zapuskałasia ŭ Sieule, stalicy Karei, i akazałasia paśpiachovaj. U sakaviku jaje pašyrać i na vostraŭ Čedžu.
Sieuł zapuściŭ prahramu dapamohi pa dohladzie ŭnukaŭ u 2023 hodzie i vypłačvaje siemjam 204 dalary ŭ miesiac, kali babuli, dziaduli abo inšyja svajaki zabiaśpiečvajuć dohlad dziaciej nie mienš za 40 hadzin kožny miesiac.
Na kaniec 2025 hoda dapamohu ŭ Sieule atrymali 5 466 čałaviek.
Kab mieć prava na ŭdzieł u prahramie, siemji pavinny mieć dziaciej va ŭzroście ad dvuch da troch hadoŭ, a dachod siamji nie moža być vyšejšym za 150% ad nacyjanalnaha miedyjannaha pakazčyka. Pad prahramu padpadajuć siemji, dzie pracujuć abodva baćki, niapoŭnyja abo šmatdzietnyja siemji.
Babuli i dziaduli ŭsio čaściej zapaŭniajuć prabieły, vyklikanyja abmiežavanaj dastupnaściu dziciačych sadkoŭ.
Palityka, nakiravanaja na palahčeńnie dohladu dziaciej, stała pryjarytetam dla ŭradaŭ usioj Uschodniaj Azii, jakija zmahajucca z surjoznym demahrafičnym kryzisam. Paśla amal dziesiacihodździa niaŭchilnaha źnižeńnia naradžalnaści ŭ Paŭdniovaj Karei ŭ 2025 hodzie byŭ zafiksavany jaje rost.
U minułym hodzie naradziłasia 254 500 dziaciej, što na 6,8 pracenta bolš, čym u papiarednim hodzie, i stała samym vialikim hadavym pryrostam z 2007 hoda. Sumarny kaeficyjent naradžalnaści — pakazčyk taho, kolki dziaciej, jak čakajecca, narodzić žančyna na praciahu svajho žyćcia — vyras z 0,75 da 0,80, viarnuŭšysia ŭ dyjapazon 0,8 upieršyniu za čatyry hady.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ1
Kamientary