Hramadski aktyvist, lidar «Źmieny» Pavieł Vinahradaŭ siońnia ranicaj zatrymany milicyjaj i znachodzicca ŭ pastarunku Maskoŭskaha RUUS. Pra heta jon paviedamiŭ u svaim fejsbuku.
Pavieł miarkuje, što zatrymańnie źviazana z samitam premjeraŭ SND u Minsku.
Vinahradava zatrymlivali ŭčora, dzień pramuryžyli ŭ milicyi i pad viečar adpuścili.
Siońnia ž Pavieł aficyjna nie zatrymany, jon znachodzicca nie ŭ dziažurnaj častcy.
Pavieł — adna ź jarkich fihur biełaruskaha hramadskaha ruchu pieryjadu čaćviertaha praŭleńnia Łukašenki. Adsiedzieŭ termin za Płošču, ale nie spyniŭ hramadskaj dziejnaści, pravioŭ niekalki kreatyŭnych akcyj. U 2012 h. jaho zatrymlivali bolš za 10 raz, ahulny termin na Akreścina skłaŭ 71 sutak.
20 krasavika vyviesiŭ na Niamizie partret palitviaźnia Statkieviča i bieł-čyrvona-bieły ściah, za što byŭ pakarany aryštam na 12 sutak. Paŭła zatrymlivali 9 maja, kab sarvać sustreču z Uładziem Jaromienkam, jaki vychodziŭ z sutak.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary