Biełstat: U Biełarusi źnižajecca kolkaść stałovych, a baraŭ i mini-kafe — pavialičvajecca

U Biełarusi za apošnija 5 hadoŭ adbyłosia źnižeńnie kolkaści stałovych na 343 adzinki da 4.826 i zakusačnych na 34 adzinki da 731. Ab hetym na pres-kanfierencyi 17 červienia ŭ Minsku paviedamiŭ načalnik Hałoŭnaha ŭpraŭleńnia statystyki handlu Nacyjanalnaha statystyčnaha kamiteta Vital Kulaševič.

Pavodle jaho słoŭ, u toj ža čas nazirajecca pavieličeńnie kolkaści baraŭ na 170 adzinak (da 1.221), mini-kafe — na 79 adzinak (da 742). U 2012 hodzie pracavała 480 restaranaŭ, 1.700 kafe, 43 restarany chutkaha absłuhoŭvańnia, 787 kafieteryjaŭ.

"Za apošnija 5 hadoŭ sietka abjektaŭ hramadskaha charčavańnia atrymała peŭnaje raźvićcio, ich stała bolš na 615 adzinak (na 5,4%), a kolkaść miescaŭ pavialičyłasia na 27,2 tys. adzinak (na 3,8%)", — adznačyŭ Kulaševič.

Sietka arhanizacyj hramadskaha charčavańnia pradstaŭlena roznymi typami abjektaŭ, siarod jakich najbolšuju ŭdzielnuju vahu (40%) zajmajuć stałovyja, jakija absłuhoŭvajuć u asnoŭnym pracaŭnikoŭ i navučencaŭ (na ich dolu prypadaje 62,4% ahalnaj kolkaści miescaŭ dla naviedvalnikaŭ). Dola restaranaŭ i kafe, jakija ŭdzielničajuć u arhanizacyi absłuhoŭvańnia volnaha času nasielnictva, skłała 18,1% (20,2% miescaŭ). Astatniaja častka abjektaŭ pradstaŭlena barami (10,1%), zakusačnymi (6,1%), kafieteryjami (6,6%), mini-kafe, restaranami chutkaha absłuhovŭańnia (6,5%) i inšymi abjektami (12,6%), na dolu jakich prypadaje 17,4% ahulnaj kolkaści miescaŭ.

Jak adznačyŭ śpiecyjalist, pieravažnaja kolkaść abjektaŭ hramadskaha charčavańnia (na pačatak 2013 hoda — 62,2%) znachodziłasia ŭ padparadkavańni arhanizacyj pryvatnaj formy ŭłasnaści, arhanizacyjam dziaržaŭnaj formy ŭłasnaści prynaležyła 36,3% ad ahulnaj ich kolkaści, zamiežnaj — 1,5%.

Pavodle źviestak Biełstata, za 2008—2012 hady nazirajecca pavieličeńnie doli abjektaŭ hramadskaha charčavańnia ŭ arhanizacyj pryvatnaj formy ŭłasnaści (na 1,9%) i źnižeńnie jaje ŭ dziaržaŭnym siektary (na 2,8%). Arhanizacyjam dziaržaŭnaha siektara prynaležać u asnoŭnym stałovyja, na ich prypadaje 70% usich abjektaŭ, u toj čas jak arhanizacyjam pryvatnaj formy ŭłasnaści — abjekty ŭsich typaŭ.

Krychu bolš čym 67% abjektaŭ hramadskaha charčavańnia i amal 73% miescaŭ u ich skancentravany ŭ haradskich pasialeńniach. "Treba adznačyć, što ŭ haradach pieravažajuć bolš bujnyja abjekty, jakija majuć u siarednim 67 miescaŭ, na adzin abjekt u sielskaj miascovaści prypadaje 51 miesca (u cełym pa Biełarusi — 62 miescy)", — adznačyŭ načalnik hałoŭnaha ŭpraŭleńnia Biełstata.

• 0
• 0
• 0
• 0
• 0
• 0
• 0
• 0