U Biełarusi raście kolkaść vyjaŭlenych narkałabaratoryj
U 2013 hodzie ŭ Biełarusi pavialičyłasia kolkaść vyjaŭlenych narkałabaratoryj i pamiaškańniaŭ, prystasavanych dla vyroščańnia kanoplaŭ. Ekśpierty MUS upeŭnienyja, što asnoŭnaj pryčynaj hetaha źjaŭlajecca efiektyŭnaja praca pa pierakryćci źniešnich kanałaŭ pastavak narkotykaŭ.
Jak paviedamiła ŭpraŭleńnie infarmacyi i hramadskich suviaziaŭ MUS, na minułym tydni ŭ svajoj kvatery pa vulicy Adzincova ŭ Minsku byŭ zatrymany biespracoŭny 1980 hoda naradžeńnia. Adzin z pakojaŭ mužčyna prystasavaŭ dla vyroščvańnia kanoplaŭ (sam ža tuliŭsia ŭ piarednim pakoi).
U zatrymańni złamyśnika ŭdzielničali supracoŭniki ŭpraŭleńnia pa narkakantroli i supraćdziejańni handlu ludźmi MUS sumiesna z kalehami ź Leninskaha RUUS stalicy i adździeła departamienta achovy. Likvidavana 29 kustoŭ i abstalavańnie. Apieratyŭnym rabotnikam zatrymany rastłumačyŭ, što nasieńnie kanoplaŭ znajšoŭ na vulicy. Raspačata sprava pavodle č. 1 art. 328 Kryminalnaha kodeksa (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ).
Prykładna miesiac tamu ŭ adnym z pryvatnych damoŭ pa vulicy Nadzieždzinskaj u Minsku adbyŭsia pažar. Ratavalniki, spraviŭšysia z ahniom, vyjavili bujnuju łabaratoryju pa vyroščvańni kanoplaŭ. Vidavočnaj pryčynaj uzharańnia stała zamykańnie, jakoje adbyłosia z-za vykarystańnia vialikaj kolkaści elektrapryboraŭ, jakija absłuhoŭvali narkałabaratoryju.
Za piać miesiacaŭ hetaha hoda vartavyja paradku vyjavili 20 padobnych pamiaškańniaŭ (za anałahičny pieryjad minułaha — 4). Bolš vyjaŭlena i łabaratoryj pa vytvorčaści sintetyčnych narkotykaŭ: z-za taho, što kanały ich pastaŭki z-za miažy ŭvieś čas pieraryvajucca, źjaŭlajucca achvotnyja vyrablać ich u samoj krainie.
Kab apiaredzić rost aktyŭnaści miascovych narkadzialcoŭ, u MUS prapracoŭvajecca inicyjatyva ab źmianieńni zakanadaŭstva ŭ častcy ŭzmacnieńnia žorstkaści sankcyj za vytvorčaść, vyroščvańnie, vyrab narkotykaŭ.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary