Adkryty hiej staŭ najmaładziejšym u historyi premjer-ministram Niderłandaŭ

38‑hadovy palityk atrymaŭ pieramohu na ŭsieahulnych vybarach u kastryčniku minułaha hoda sa svajoj partyjaj «Demakraty 66» (D66), ź nievialikaj pieravahaj abyšoŭšy partyju pravaha papulista Hierta Viłdersa ŭ napružanaj pieradvybarčaj baraćbie.

Sfarmavany Jetenam kabiniet — kabiniet mienšaści, a heta aznačaje, što kožnaja važnaja reforma ŭ kaalicyjnym pahadnieńni — ad dadatkovych 19 miljardaŭ jeŭra na abaronu da balučych skaračeńniaŭ u śfiery achovy zdaroŭja i sacyjalnych dapamoh — pavinna budzie ŭzhadniacca šlacham asobnaha hałasavańnia ŭ abiedźviuch pałatach parłamienta Niderłandaŭ.

Kaalicyja taksama imkniecca da źmianšeńnia kolkaści asob, jakija šukajuć prytułku: biežancy pavinny buduć padać zajaŭku na prytułak pa-za miežami Jeŭropy, a nie paśla prybyćcia.

Mihracyja ŭ metach atrymańnia prytułku źjaŭlajecca asabliva adčuvalnaj temaj u niderłandskaj palitycy, jakaja spryjała padzieńniu dvuch apošnich kaalicyjnych uradaŭ krainy.

D66 u kaalicyi pradstavić siem ministraŭ, VVD — šeść, a CDA — piać. Kožnaja z partyj taksama atrymaje pa try pasady dziaržaŭnych sakrataroŭ (małodšych členaŭ kabinieta).

U paniadziełak karol Niderłandaŭ Vilem-Alaksandr aficyjna pryvioŭ Jetena da prysiahi ŭ pałacy Chiojs-ten-Bos u Haazie.

Apublikavaŭšy sełfi pierad cyrymonijaj prysiahi, Jeten napisaŭ u sacsietcy X:

«Hanarusia tym, što my robim heta razam. Na novym etapie, ź vialikaj adkaznaściu i pierš za ŭsio z ahulnym abiacańniem pracavać dla kožnaha ŭ Niderłandach. Nie spyniajučysia na tym, što nie tak, a abapirajučysia na toje, što možna palepšyć. Heta patrabuje mužnaści i supracoŭnictva».

«Davajcie za pracu»

Elehantny, uśmiešlivy i ciarplivy, Jeten hadami pazbaŭlaŭsia mianuški «Robat Jeten», jakuju jon atrymaŭ za svaje skavanyja i zanadta adrepieciravanyja vystupy na telebačańni.

Pieraŭvasableńnie palityka było vidavočnym u noč vybaraŭ. U pierapoŭnienaj, dušnaj muzyčnaj zale ŭ Lejdenie (pamiž Amsterdamam i Haahaj) jon trymaŭsia niazmušana, upeŭniena i biezdakorna, pakul vakoł jaho skandavali maładyja prychilniki.

Dla mnohich lidar D66 byŭ poŭnaj supraćlehłaściu Viłdersu: adnosna małady, aptymistyčny, prajeŭrapiejski i sacyjalna libieralny — novy tvar u supraćvahu starejšamu pravaradykalnamu isteblišmientu.

Akramia taho, Rob Jeten staŭ pieršym adkrytym hiejem na pasadzie premjer-ministra Niderłandaŭ. Samaabvieščany «palityčny batanik» ź dziacinstva, małady Jeten vyras u nievialikim miastečku ŭ paŭdniovaj pravincyi Brabant i zrabiŭ kaminh-aŭt jašče ŭ junactvie.

Jon nie rabiŭ pryvatnaje žyćcio častkaj svajoj palityčnaj identyčnaści, ale piać hadoŭ tamu apublikavaŭ videa, u jakim začytaŭ doŭhi śpis hamafobnych paviedamleńniaŭ sa svajho telefona, kab dakazać, čamu mižnarodny dzień baraćby z hamafobijaj źjaŭlajecca važnym.

Ciapier Jeten zaručany z arhiencinskim chakieistam Nikałasam Kinanam, ich viasielle zapłanavana na hety hod.

Pavialičyć

Stojačy pobač z karalom na čyrvonaj darožcy, što spuskałasia pa prystupkach pałaca ŭ paniadziełak, Jeten vyhladaŭ jak vydatna padrychtavany premjer.

Paśla zaćviardžeńnia na pasadzie premjer-ministra jon apublikavaŭ aficyjnaje fota ŭ Instagram z karotkim podpisam: «Davajcie za pracu».

Viłders, jaki ŭ červieni sam spyniŭ sproby stvaryć svaju pravuju kaalicyju, zajaviŭ, što budzie vystupać suprać luboj inicyjatyvy ŭrada Jetena, u toj čas jak inšyja partyi vykazali zaniepakojenaść pradstaŭlenymi na hety momant płanami.

• 7
• 3
• 2
• 4
• 0
• 1
• 0
• 2