U Šviecyi na sudovym pracesie pa spraviePra heta paviedamił žurnalist Julija Łapicki, jakaja naziraje za pracesam.30-hadovaj hramadzianki Biełarusi Volhi Kłaskoŭskaj, jakaja abvinavačvajecca ŭ zamachu na zabojstva byłoha muža Hiokana Biezhina, sud pryniaŭ rašeńnie adpravić abvinavačvanuju na dadatkovuju psichijatryčnuju ekśpiertyzu.
Pavodle jaje słoŭ, na pasiadžeńni 5 lipienia kryminalny artykuł, pa jakim abvinavačvajecca Kłaskoŭskaja, byŭ pierakvalifikavany prakuraturaj. Zaraz heta nie tolki «zamach na zabojstva», a «zamach na zabojstva abo naniasieńnie ciažkaj škody zdaroŭju». Heta značyć ciapier, kali sud nie pryznaje, što Kłaskoŭskaja chacieła zabić, tady jana naniesła ciažkuju škodu zdaroŭju — takaja sutnaść pieravystaŭlenaha artykuła abvinavačańnia, rastłumačyła Łapicki.
Na sudzie byli dapytany čaćviora palicejskich, jakija ŭdzielničali ŭ zatrymańni Kłaskoŭskaj, žančyna, jakaja jaje abšukvała ŭ palicyi. Akramia taho, byli zasłuchany mierkavańni roznych miedycynskich ekśpiertaŭ, jakija vykazvalisia nakont naniesienych padčas zdareńnia ranieńniaŭ.
«Byli taksama začytany vyniki pieršasnaj psichijatryčnaj i sudovaj ekśpiertyzy, jakija śviedčać pra padazreńnie ŭ tym, što ŭ Volhi jość psichičnyja parušeńni. U suviazi z hetym treba pravieści šyrokuju ekśpiertyzu jaje psichičnaha stanu dla taho, kab zrazumieć, nakolki jana była ŭ stanie śviadomaści na momant zdareńnia i naohuł u pryncypie», — paviedamiła Łapicki.
Pavodle jaje słoŭ, sud praciahniecca 13 žniŭnia i da hetaha momantu buduć hatovy vyniki ekśpiertyzy.U vypadku kali Kłaskoŭskaja budzie pryznana zdarovaj i pry hetym vinavataj pa spravie, to jaje pryhavorać da turemnaha terminu. Kali ž jana budzie pryznana psichična niezdarovaj, to jaje mohuć nakiravać na biesterminovaje prymusovaje lačeńnie, a vypuściać tolki tady, kali paličać zdarovaj.
Jak skazała Julija Łapicki, papiarednie sud ličyć dastatkovym lik sabranych dokazaŭ, kab padazravać vinavataść Volhi Kłaskoŭskaj. Prakuror zapatrabavała dla abvinavačvanaj vosiem hadoŭ turmy.
Pra zatrymańnie Kłaskoŭskaj stała viadoma 2 krasavika. Jaje zatrymali ŭ horadzie Chaninhu, što na poŭdzień ad Stakholma, i źmiaścili ŭ turmu Okierśbierha za 30 km na paŭnočny ŭschod ad Stakholma.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary