CRU paćvierdziła, što Ukraina nie celiła ŭ Pucina ci ŭ jaho rezidencyju padčas svajho ŭdaru dronami
U ZŠA pryjšli da vysnovy, što Ukraina nie płanavała atakavać prezidenta Rasii Uładzimira Pucina abo adnu ź jaho rezidencyj padčas niadaŭniaha ŭdaru bieśpiłotnikami. Pra heta paviedamiła vydańnie The Wall Street Journal sa spasyłkaj na amierykanskich čynoŭnikaŭ u śfiery nacyjanalnaj biaśpieki. Takija vysnovy supiarečać zajavam Maskvy, jakaja śćviardžała, što nibyta Kijeŭ sprabavaŭ zabić rasijskaha lidara.
Hetyja źviestki źjavilisia na fonie taho, što prezident ZŠA Donald Tramp publična pastaviŭ pad sumnieŭ rasijskuju viersiju padziej.
Pa słovach amierykanskaha čynoŭnika, Centralnaje raźviedvalnaje ŭpraŭleńnie taksama nie znajšło nijakich dokazaŭ sproby napadu na Pucina. Pry hetym CRU admoviłasia ad aficyjnych kamientaroŭ.
Jak adznačajecca, metaj ukrainskaha ŭdaru byŭ vajskovy abjekt, jaki ŭžo raniej padviarhaŭsia atakam z boku Kijeva. Jon znachodzicca ŭ toj ža vobłaści, što i zaharadnaja rezidencyja Pucina na Vałdai, ale nie ŭ niepasrednaj blizkaści da jaje.
31 śniežnia Tramp raspaŭsiudziŭ spasyłku na redakcyjny artykuł New York Post, u jakim śćviardžałasia, što zajavy Rasii pra nibyta ataku na Pucina śviedčać pra toje, što mienavita Maskva pieraškadžaje dasiahnieńniu miru.
Raniej Pucin padčas telefonnaj razmovy z Trampam zajaŭlaŭ, što ŭkrainskija drony nibyta byli nakiravanyja na jaho rezidencyju kala Vałdajskaha voziera ŭ Naŭharodskaj vobłaści. Tramp pryznaŭsia, što byŭ vielmi razdražniony hetymi abvinavačańniami. Adkazvajučy na pytańnie, ci majuć ZŠA dokazy takoj ataki, jon dapuściŭ, što jaje mahło i nie być, choć Pucin śćviardžaŭ advarotnaje.
Ukraina kateharyčna adchiliła ŭsie abvinavačańni, padkreśliŭšy, što Pucin sprabuje znajści padstavu dla paharšeńnia adnosin pamiž Vašynhtonam i Kijevam, a taksama dla asłableńnia ŭkrainskich pazicyj na mirnych pieramovach, jakija ZŠA viaduć z metaj spynieńnia vajny.
Tramp zarepościŭ artykuł «Pustasłoŭje Pucina pra «ŭdar» pa im pakazvaje, što mienavita Rasija staić na pieraškodzie miru»
Łukašenka pra zajavu Rasii ab «atacy dronaŭ» na rezidencyju Pucina: Najdzičejšy teraryzm, ale Pucin nie admovicca ad miru
«Nie było ni hudzieńnia, ni vybuchaŭ». Surjoznyja niestykoŭki ŭ viersii RF pra ataku na rezidencyju Pucina
Rasija abvinavaciła Ukrainu ŭ atacy na rezidencyju Pucina, pahražaje adpłataj
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary
Atrymlivajecca udar byŭ, adzina pytańnie, jakija byli cieli?