Siaredni pamier dapamohi pa biespracoŭi ŭ Minsku składaje 217 tysiač rubloŭ
Dapamohu ŭ studzieni—červieni atrymlivali 3.334 biespracoŭnyja.
Siaredni pamier dapamohi pa biespracoŭi ŭ stalicy na kaniec červienia składaŭ 217 tys. rubloŭ, paviedamili BiełaPAN u kamitecie pa pracy, zaniataści i sacyjalnaj abaronie Minharvykankama. Na kaniec maja jon składaŭ 182 tys. rubloŭ.
U hety pieryjad pa sadziejničańnie ŭ pracaŭładkavańni źviarnulisia bolš jak 12.000 čałaviek, ź ich 7.168 — biespracoŭnych. Na pastajannuju ci časovuju pracu ŭładkavany 5.751, ź ich 3.520 biespracoŭnych atrymali pastajannuju pracu. Pracaŭładkavanaja 271 asoba, abaviazanaja kampiensavać raschody, zatračanyja dziaržavaj na ŭtrymańnie dziaciej. Akazana finansavaja padtrymka 121 biespracoŭnamu ŭ vyhladzie subsidyj dla arhanizacyi pradprymalnickaj dziejnaści.
Na časovuju pracu ŭ volny ad vučoby čas pry sadziejničańni słužby zaniataści ŭładkavanyja 1.329 studentaŭ i školnikaŭ. Na prafiesijnuju padrychtoŭku, pierapadrychtoŭku i pavyšeńnie kvalifikacyi adpraŭlena 413 čałaviek. U hramadskich rabotach uziali ŭdzieł 1.412 čałaviek, u tym liku biespracoŭnych — 1.057.
Kolkaść zajaŭlenych vakansij na pradpryjemstvach horada na 1 lipienia skłała 24.712, u tym liku dla rabočych — 19.204.
Za studzień—červień 2013 hoda zarehistravana kala 91,7 tys. zvarotaŭ šukalnikaŭ pracy da elektronnaha banka vakansij u adździełach pracaŭładkavańnia i kala 5,4 młn. zvarotaŭ — da elektronnaha banka vakansij, što na sajcie Minharvykankama (www.minsk.gov.by).
Pavodle źviestak kamiteta, najbolš zapatrabavanymi śpiecyjalistami ŭ Minsku źjaŭlajucca vadzicieli aŭtamabilaŭ (958 vakansij na 1 lipienia 2013 hoda), rabočyja pa kompleksnaj uborcy (427), hruzčyki (434), mulary (647), kanduktary (296), malary (475), pradaŭcy (539), ślesary-santechniki (380), stolary (245), prybiralščyki pamiaškańniaŭ (749), uračy (436), miedsiostry (749), inžyniery (589).
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści40
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary