Fanat u Vjetnamie bieh za aŭtobusam «Arsienała» 6 km i dahnaŭ jaho — fota
Łondanski «Arsienał», jaki pravodzić pieradsiezonnaje turne pa Azii, prybyŭ u Vjetnam, dzie hulcy zrabili ahladnuju ekskursiju pa Chanoi. Paśla ekskursii za aŭtobusam «Arsienała», jakija nakiroŭvalisia ŭ hatel, pačaŭ biehčy vjetnamski zaŭziatar.
Starajučysia nie adstavać ad aŭtobusa, jon urezaŭsia ŭ słup i dreva, adnak nie atrymaŭ surjoznych paškodžańniaŭ i zmoh praciahnuć bieh. Futbalisty, jakija zaŭvažyli fanata, pačali padbadziorvać jaho roznymi vykrykami — u pryvatnaści, prapanoŭvali trenieram padpisać ź im kantrakt.
Nieŭzabavie aŭtobus spyniŭsia, i hałoŭny trenier kamandy Arsien Vienhier zaprasiŭ zaŭziatara ŭ aŭtobus.Tam prychilnik «Arsienała» zmoh pacisnuć ruki hulcam i sfatahrafavacca z paŭabaroncam Mikielem Arteta.
Usiaho zaŭziatar prabieh za aŭtobusam kala šaści kiłamietraŭ, paviedamlaje aficyjny sajt «Arsienała».
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary