Niaklajeva vyzvalili ad pakarańnia: «Mianie pieraviali z asobnaj kamiery ŭ ahulnuju»
Pasiadžeńnie adbyłosia a 10-j hadzinie ŭ sudzie Leninskaha rajona Minska.
Siońnia sud Leninskaha rajona Minska pavinien byŭ vyrašyć: vyzvalić byłoha kandydata ŭ prezidenty, lidara hramadzianskaj kampanii «Havary praŭdu!», viadomaha paeta Uładzimira Niaklajeva, adpravić jaho ŭ kałoniju za «nienaležnyja pavodziny» abo pakinuć u ciapierašnim statusie nahladu jašče na niejki termin.
Uładzimir Niaklajeŭ vyjšaŭ, a 10:05 z kabinieta sudździ i skazaŭ, što sud adbyŭsia, jamu vydali pastanovu ad 23 lipienia, u jakoj havorycca, što Niaklajeŭ adbyŭ svoj termin biez spahnańniaŭ, tamu jon vyzvalajecca ad dalejšaha adbyćcia pakarańnia.
U. Niaklajeŭ zajaviŭ žurnalistam, što pakul nie pačuvajecca volnym čałaviekam.
«Mianie pieraviali ŭ asobnaj kamiery ŭ ahulnuju. U Biełarusi ŭsie hramadzianie ŭ peŭnym sensie viaźni i zakładniki, navat niavolniki», — skazaŭ jon.
Jon zhadaŭ vizit kiraŭnika MZS Biełarusi u Brusel, jakoha zaprašali abmierkavać vyzvaleńnie palitviaźniaŭ, a jon tam staŭ imi handlavać.
***
Nahadajem, što 20 maja 2011 hoda Uładzimir Niaklajeŭ byŭ asudžany sudom Frunzienskaha rajona Minska pa kryminalnaj spravie pra masavyja biesparadki ŭ stalicy 19 śniežnia 2010 hoda. Palityka pryznali vinavatym na padstavie častki 1 artykuła 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i prysudzili da dvuch hadoŭ pazbaŭleńnia voli z adterminoŭkaj vykanańnia prysudu na dva hady.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary