ci možna ŭžyvać fizičnyja pakarańni?
Dziaciej najčaściej bjuć u Minsku, a na Hrodzienščynie abirajuć niehvałtoŭnaje vychavańnie
Biełstat apublikavaŭ vyniki daśledavańnia nakont mietadaŭ dyscyplinavańnia dziaciej u siamji. Apytanka pravodziłasia ŭ 2012 hodzie.
Respandentam prapanoŭvałasia adkazać, ci vykarystoŭvajuć jany ŭ vychavańni dziaŭčynak i chłopčykaŭ (uzrostam ad 2 da 14 hadoŭ) hvałtoŭnyja mietady. Kali ŭsio ž vykarystoŭvajuć, to treba było ŭdakładnić — fizičnyja albo psichałahičnyja.
Da fizičnaha hvałtu adnosicca luboje prymianieńnie siły, naprykład, kali darosłyja treśli dzicia ci šlopali jaho. Da psichałahičnaha cisku — kali na dzicia kryčać, nazyvajuć «durnym» ci «lanivym».
U vyniku 31% apytanych zajaviŭ, što ŭ dačynieńni chłopčykaŭ zusim nie vykarystoŭvaje hvałtoŭnyja mietady. 42% užyvajuć psichałahičny cisk, 25% — fizičnyja pakarańni.
Biez hvałtu ŭ dačynieńni dziaŭčynak abychodziacca 36% respandentaŭ. 34% apytanych dapuskajuć psichałahičny cisk, jašče 19% prymianiajuć fizičnyja pakarańni.
Cikavaja raźbiežka ŭ adkazach pa vobłaściach Biełarusi.
Tolki ŭ adnym rehijonie — na Hrodzienščynie — niehvałtoŭna vychoŭvajecca bolš za pałovu dziaciej.
Najbolš hvałtu ŭ Minsku i na Mahiloŭščynie.
U stalicy fizičnyja pakarańni prymianiajucca ŭ dačynieńni da 50% chłopčykaŭ.
* * *
Ci možna ŭžyvać fizičnyja pakarańni ci psichałahičny cisk u dačynieńni dziaciej? Adkazvajcie ŭ kamientarach.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary