U subotu, 17 žniŭnia, čakajecca małavobłačnaje biez apadkaŭ nadvorje. U pieradranišnija hadziny ŭ asobnych rajonach krainy zhuścicca tuman. Viecier nočču niaŭstojlivy słaby, dniom paŭdniovy ŭmierany. U načnyja hadziny paśviažeje: minimalnaja tempieratura pavietra składzie +8 .. +13°S, miescami słupki termomietraŭ apuściacca da +5 .. +7°S; dniom sonca prahreje pavietra da +21 .. +27°S.
U niadzielu, 18 žniŭnia, čakajecca ciopłaje pieravažna biez apadkaŭ nadvorje. U načnyja i ranišnija hadziny dzie-nidzie ŭtvorycca tuman. Viecier paŭdniovy ŭmierany. Tempieratura pavietra: minimalnaja nočču +8 .. +15°S; maksimalnaja dniom +23 .. +28°S, pa paŭdniovym zachadzie Bresckaj vobłaści — da +30°S.
U paniadziełak, 19 žniŭnia, na bolšaj častcy terytoryi Biełarusi jašče zachavajecca ŭpłyŭ antycykłonu. Nočču pa-raniejšamu ŭ asnoŭnym sucha. Dniom miescami pa paŭnočna-zachodniaj pałovie našaj krainy čakajucca karotkačasovyja daždžy, navalnicy. Viecier paŭdniovy, paŭdniova-zachodni ŭmierany, pry navalnicach paryvisty. Tempieratura pavietra: minimalnaja nočču +10 .. +17°S; maksimalnaja dniom +23 .. +28°S, pa poŭdni krainyi pavietra prahrejecca da +30°S.
Kamientary