Saudaŭskaja Aravija niepublična padtrymała mahčymy ŭdar ZŠA pa Iranie
Chaled bien Salman al Saud, małodšy brat spadčynnaha prynca, prybyŭ u Vašynhton dla sustreč pa Iranie.
Ministr abarony Saudaŭskaj Aravii prync Chaled bin Salman al Saud zajaviŭ na zakrytym bryfinhu ŭ Vašynhtonie ŭ piatnicu, što kali prezident ZŠA Donald Tramp nie ažyćciavić svaje pahrozy ŭ adras Irana, iranski režym stanie macniejšym, śćviardžajuć krynicy Axios, jakija prysutničali na mierapryjemstvie.
Jak adznačaje vydańnie, u publičnych zajavach Saudaŭskaja Aravija pieraścierahaje ad eskałacyi situacyi ŭ rehijonie, i try tydni tamu svajoj zaniepakojenaściu z Trampam padzialiŭsia naśledny prync Muchamied bin Salman Aal Saud. Heta papiaredžańnie było adnoj z pryčyn, pa jakoj Tramp vyrašyŭ adkłaści ŭdar, piša Axios.
Chaled bin Salman al Saud, małodšy brat naślednaha prynca, prybyŭ u Vašynhton dla sustreč pa Iranie. U čaćvier jon pravioŭ u Biełym domie praciahłuju sustreču ź dziaržsakratarom ZŠA Marka Rubijo, kiraŭnikom Pientahona Pitam Chiehsietam, śpiecpasłancam Trampa Styvam Uitkofam i staršynioj Abjadnanaha kamiteta načalnikaŭ štaboŭ Denam Kiejnam.
Pa słovach krynicy Axios, asnoŭnaja ŭvaha była nadadziena mahčymaści amierykanskaha ŭdaru pa Iranie. Choć u sieradu ŭ telefonnaj razmovie z prezidentam Irana naśledny prync Saudaŭskaj Aravii zajaviŭ, što karaleŭstva nie dazvolić ZŠA vykarystoŭvać svaju pavietranuju prastoru dla napadu na Iran.
Pa infarmacyi Axios, jaho brat u piatnicu na sustrečy z ekśpiertami ŭ Vašynhtonie skazaŭ, što, na jaho dumku, Trampu daviadziecca źviarnucca da vajennych dziejańniaŭ paśla niekalkich tydniaŭ pahroz i pry hetym pasprabavać źmiakčyć ryzyki rehijanalnaj eskałacyi.
Mahčyma, saudaŭcy vyrašyli, što Tramp pryniaŭ rašeńnie nanieści ŭdar, i nie chočuć, kab ich usprymali jak praciŭnikaŭ hetaha kroku, dapuskaje vydańnie.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary