«Čałaviek uparty»: Jaromienak praciahnie zajmacca hramadska-palityčnaj dziejnaściu
Były palitźniavoleny Uładzimir Jaromienak, asudžany 20 žniŭnia na try miesiacy aryštu za parušeńnie pravił previentyŭnaha nahladu, maje namier praciahvać zajmacca
«Kali ŭłady svaimi represijami chočuć mianie zapałochać, heta ŭ ich nie atrymajecca, — zajaviŭ jon žurnalistam paśla abviaščeńnia pryhavoru. — Ja čałaviek uparty.Kali režym vyrašyŭ mianie znoŭ izalavać, pieraškodzić majoj dziejnaści (Jaromienak — aktyvist zarehistravanaj u Čechii mižnarodnaj arhanizacyi „Małady front“. — BiełaPAN.), značyć ja, napeŭna, rablu ŭsio pravilna».
Jaromienak nazyvaje svoj prysud «dosyć niečakanym». «Ja dumaŭ, što sudździa daść šeść miesiacaŭ, jak i prasiŭ dziaržabvinavaŭca. Tamu try miesiacy aryštu — nie samy horšy varyjant. Čamu mienavita taki termin — skazać składana. Dumaju, advakat usio ž zmahła pierakanać, što kryminalnaja sprava i materyjały dla jaje źbiralisia nie pa zakonie», — ličyć asudžany.
Jaromienak taksama paviedamiŭ, što maje namier abskardzić siońniašni pryhavor u Minskim haradskim sudzie. Pakul jon zastajecca na voli pad padpiskaj ab niavyjeździe.
Jak raniej paviedamlaŭ BiełaPAN, siońnia sud Pieršamajskaha rajona Minska pryznaŭ Jaromienka vinavatym u parušeńni pravił previentyŭnaha nahladu (artykuł 421 Kryminalnaha kodeksa). Apaviaščajučy rašeńnie, sudździa Leanid Jarmolenkaŭ adznačyŭ, što parušeńni byli zroblenyja biez uvažlivych pryčyn, pryčym na praciahu hoda abvinavačvany dvojčy byŭ pakarany administracyjnymi spahnańniami.
Uładzimir Jaromienak — fihurant kryminalnaj spravy ab masavych biesparadkach u Minsku 19 śniežnia 2010 hoda. Byŭ pryhavorany da troch hadoŭ źniavoleńnia ŭ kałonii ŭzmocnienaha režymu, ale ŭ žniŭni 2011 hoda vyzvaleny na padstavie ŭkaza prezidenta ab pamiłavańni.Nad im ustanavili previentyŭny nahlad, paśla čaho Jaromienak traplaŭ u sud dvojčy. 27 krasavika 2012 hoda jaho asudzili na siem sutak administracyjnaha aryštu za drobnaje chulihanstva, a 24 studzienia
Apošni prysud Jaromienak abskardziŭ u Minharsudzie, jaki nakiravaŭ spravu na novy razhlad nazad, u sud Pieršamajskaha rajona stalicy. U vyniku 20 sakavika Pieršamajski sud, dałučyŭšy da raniejšych dvuch faktaŭ parušeńnia nahladu jašče adzin, pryhavaryŭ Jaromienka da 15 sutak aryštu.22 lipienia Jaromienka zaprasili ŭ Pieršamajskaje RUUS Minska, dzie aznajomili z materyjałami raspačataj u dačynieńni da jaho spravy na padstavie artykuła 421 Kryminalnaha kodeksa.
Dziejańni ŭład u dačynieńni da byłoha palitźniavolenaha pravaabaroncy rasceńvajuć jak «palityčna matyvavany nacisk».Jany źviartajuć uvahu na toje, što ŭ dačynieńni da jašče adnaho ŭdzielnika padziej 19 śniežnia 2010 hoda, Vasila Parfiankova, taksama raspačata kryminalnaja sprava za parušeńnie pravił previentyŭnaha nahladu. Takim čynam, ličać pravaabaroncy, ułady sprabujuć spynić ich hramadskuju dziejnaść, a taksama zapałochać inšych aktyvistaŭ apazicyi.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary