U barysaŭskim mikrarajonie Piečy pastavili znak «niebiaśpiečny pavarot», ale pieraviernuty — vostrym kancom uniz, piša «Minskaja praŭda». U vyniku atrymałasia niešta, čaho niama ŭ PDR.
Na słupie ŭsio vyhladaje zvyčajna: papieradžalny trochkutnik i znak abmiežavańnia chutkaści da 40 km/h. Ale z-za taho, što znak ustalavany dahary nahami, stanovicca niezrazumieła, što mienavita jon abaznačaje. Heta vyklikała šmat žartaŭ i ździŭleńnia siarod miascovych žycharoŭ — niechta navat padumaŭ, što heta novyja praviły abo niejki ekśpierymient.
Paźniej vyśvietliłasia, što nijakaj navinki tut niama. U DAI patłumačyli, što znak prosta pastavili z parušeńniem techničnych patrabavańniaŭ — inakš kažučy, zrabili heta niapravilna. U najbližejšy čas abiacajuć usio vypravić.
Zvyčajna taki znak papiaredžvaje pra niebiaśpiečny pavarot naprava ci naleva i patrabuje zahadzia źnizić chutkaść, bo daroha moža być z abmiežavanaj bačnaściu abo rezkim zakruhleńniem.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary
Čaho niezrazumieła?