Z 1 kastryčnika prajezd u staličnym haradskim transparcie daražeje na 500 rubloŭ, da 2 500 rubloŭ. Tałončyk, nabyty ŭ kiroŭcy, budzie kaštavać 3 000 rub.
Heta praduhledžana rašeńniem Minharvykankama ad 25 vieraśnia 2013 hoda №2388, paviedamlaje sajt Minharvykankama.
Rašeńniem zaćvierdžany i novy košt prajaznych. Tak, prajazny na čatyry vidy transpartu na miesiac budzie kaštavać 202,5 tys. rubloŭ, na paŭmiesiaca - 106,7 tys., na dekadu - 71,1 tys. rubloŭ.
Apošni raz prajezd u stalicy daražeŭ 25 maja na 17,5% z 1 700 da 2 000 rubloŭ.
Taksama z 1 kastryčnika daražeje prajezd na pryharadnyja aŭtobusy ŭ Minsku na 30%.
Taryf za 1 km prajezdu na aŭtobusie ahulnaha typu na zvyčajnych maršrutach składzie 344 rubloŭ, u aŭtobusach ź miakkimi adkidnymi siadzieńniami - 356 rubloŭ. Na chutkasnych maršrutach u aŭtobusach ahulnaha typu taryf budzie 446 rubloŭ za 1 km, ź miakkimi siadzieńniami - 464 rubloŭ, na ekspresnych maršrutach - adpaviedna 516 i 534 rubloŭ.
Kamientary