Što pahladzieć u navahodniuju noč? Alternatyŭnaja prahrama pieradač na YouTube
Raspaviadajem, dzie možna pahladzieć, jak śpiavajuć Pavieł Łatuška i Alina Koŭšyk.
Śviatočny zvarot Śviatłany Cichanoŭskaj
Śviatočny zvarot Śviatłany Cichanoŭskaj pačniecca ŭ 23.47 pa minskim časie (sioleta ŭ zapisie siarod inšych pryniała ŭdzieł Maryja Kaleśnikava). Franak Viačorka ŭ Threads paviedamiŭ: «Znoŭ buduć banić YouTube, tamu paralelna budzie tranślavacca na inšych sietkach taksama, i na telehram».
«Biełsat»
U 21:45 prahrama «Mova Nanova» prapanuje razmovu ź Lavonam Volskim. Viadomy biełaruski muzyka niadaŭna adznačyŭ jubilej — 60 hadoŭ — i raspaviadaje pra svaje minułyja i budučyja prajekty. Razmovu z Volskim pravodziŭ Mikita Miełkazioraŭ, jaki niečakana syšoŭ ad nas 21 śniežnia. Žurnalist i intervjujer, viadomy najpierš pa svaim prajekcie «Žyćcio-malina» za apošnija hady zrabiŭ vialiki ŭniosak u raźvićcio biełaruskaj kultury.
U 22:15 u efir zavitajuć Michaś Zuj i Dźmitryj Jesianievič, jakija ŭ humarystyčnaj prahramie «Chaj Tak TV» padsumujuć, nad čym biełarusy śmiajalisia ŭ 2025 hodzie — ad deficytu bulby i razhonu čerhaŭ pa kavu na AZS da pieradačy amierykancami lekaŭ dla pachudzieńnia Łukašenku.
U 22:45 hledačoŭ čakaje śviatočny kancert. «Navahodni vir» sabraŭ usich lubimych śpievakoŭ, artystaŭ i viadoŭcaŭ. A jašče abiacajuć šmat siurpryzaŭ i niespadziavanak.
Režysiorka prajekta ŭhavaryła Alinu Koŭšyk śpiavać razam z usimi finalnuju pieśniu («Ja adbivałasia jak mahła!» — kamientavała Koŭšyk). Taksama zaśpiavaje i Pavieł Łatuška, ale, imavierna, u duecie z kimści. Dziela prajekta zaśpiavała i aktyvistka Nasta Bazar.
«Małanka»
Śviatočnuju prahramu Malanka Media možna pahladzieć na ich YouTube-kanale i stryminhavaj płatformie Belarus Tomorow. U 19.00 pa minskim časie pačnuć padvodzić vyniki. U śpiecvypusku płanujuć abmierkavać usie hałoŭnyja padziei 2025 hoda.
U 23.40 prahučyć vinšavańnie ad kamandy prajekta, dalej u tranślacyi budzie zvarot Śviatłany Cichanoŭskaj.
Pačać 2026 možna z Malavanyčam — paśla 00.00 Malanka Media pakaža dva vypuski prajektu «Biez retušy», jakija pryśviečany Italii.
«O(b)suždajem»
Hleb Siamionaŭ i Ivan Prus užo padrychtavali svoj padarunak pad jalinku — zahruzili na YouTube śviatočny vypusk, u jakim, pierad tym, jak padniać kielichi, abmierkavali pieršy biełaruski interaktyŭny sieryjał.
Usia śmiešnaja praŭda pra «Zumieraŭ», praź jakich biełaruskija ŭłady spadziavalisia zavajavać sercy školnikaŭ: ad tajemna źnikłaj pieršaj sieryi i aktorki-dački čynoŭnika, jaki zajmaŭsia tym sieryjałam, da dyjałohaŭ ad čatu GPT.
«Obyčnoje utro»
Z 27 pa 30 śniežnia «Obyčnoje utro» praviało ŭžo tradycyjny śviatočny marafon. Haściami navahodnich vypuskaŭ stali Śviatłana Cichanoŭskaja, Andrej Kurejčyk, Lavon Volski, Uładzimir Mackievič i inšyja. Kali vy nie paśpieli jašče pahladzieć, dyk samy čas heta zrabić.
«Pierietriom s Chalezinym»
Mikałaj Chalezin apublikavaŭ na svaim YouTube-kanale śviatočny vypusk, jaki pryśviečany Rastvu ŭ Łondanie. U im vy daviedajeciesia pra miascovyja zvyčai, a taksama palubujeciesia pryhožymi vulicami.
Dzie jašče možna pabačyć biełaruskich artystaŭ?
Prajekt «Mirnyja ahieńčyki» źjaviŭsia naprykancy 2023 hoda, kab abjadnać zorak z roznych krain, jakija nie padtrymlivajuć vajnu Rasii suprać Ukrainy. Udzielničajuć u im i biełaruskija artysty. Sioleta možna budzie pabačyć «Bi-2», Naviband, Ap$ent.
Tranślacyja budzie iści na YouTube-kanale «Mirnych ahieńčykaŭ».
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda
«Daŭlusia łasosiem, bo na karpa nie chapiła»: biełarusy vyśmiejvajuć čarhovy fejk prapahandy
25+ idej padarunkaŭ na Kalady i Novy hod ad biełaruskich majstroŭ i brendaŭ
Biełaruski brend sumak Panaskin vypuściŭ cacki na jalinku sa skury alihatara. Za 1400 rubloŭ!
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary