76‑hadovuju kandydatku bijałahičnych navuk asudzili pa stosie palityčnych artykułaŭ
Valancina Łohvin bolš za 40 hadoŭ adpracavała ŭ Biełaruskim dziaržaŭnym univiersitecie fizkultury. Centr ukrainskaj kultury Sič, jaki jana ŭznačalvała, likvidavali.
U Minskim haradskim sudzie vynieśli prysud 76‑hadovaj Valancinie Łohvin. Daśviedčanuju śpiecyjalistku pa spartyŭnaj fizijałohii asudzili pa troch palityčnych artykułach:
- č. 1 art. 130 — raspalvańnie varožaści
- č. 1 art. 368 — abraza Łukašenki
- č. 1 i č. 2 art. 361‑4 — sadziejničańnie ekstremisckaj dziejnaści.
Valancina Łohvin atrymała chatniuju chimiju. Dakładny termin nieviadomy.
Valancina Łohvin naradziłasia ŭ 1949 hodzie ŭ Čarnihaŭskaj vobłaści Ukrainy. Skončyła Kijeŭski dziaržaŭny ŭniviersitet (1972) i aśpiranturu Instytuta fizijałohii Akademii navuk Biełarusi (1982). Kandydyt bijałahičnych navuk (1986). Z 1976 hoda pracavała vykładčycaj Biełaruskaha dziaržaŭnaha ŭniviersiteta fizkultury.
Valancina ŭznačalvała Centr ukrainskaj kultury «Sič» u Minsku, likvidavany ŭ 2023 hodzie. Na momant zakryćcia ŭ jaho šerahach było kala 20 siabroŭ.
Kamientary
Mocy pieražyć vyprabavańnie.