Pryznali niebiaśpiečnymi dla zdaroŭja špiki, vyrablenyja cemientnym zavodam
Dziaržstandart uklučyŭ u śpis niebiaśpiečnaj pradukcyi dva vidy špiku — salony «Panski» i vendžany «Pikantny», vyrablenyja filijałam №1 «Cemahra» AAT «Biełaruski cemientny zavod» u Kaściukovičach. Vierahodna, havorka idzie pra ahrarnaje padraździaleńnie hetaha pradpryjemstva.
Pry praviercy pradukcyi było zafiksavana istotnaje pieravyšeńnie ŭ joj dapuščalnych normaŭ mikraarhanizmaŭ. U špiku «Panski» kolkaść miezafilnych bakteryj pieravyšała normu ŭ 2,8 raza, a ŭ «Pikantnym» — u 1,9 raza. Akramia taho, u abodvuch uzorach znajšli bakteryi hrupy kišečnaj pałački, najaŭnaść jakich u charčovych praduktach niedapuščalnaja.
Da pradukcyi ŭźnikli i inšyja pretenzii, u tym liku da ŭpakoŭki. Na joj nie było paznačana, što materyjał, ź jakoha ŭpakoŭka vyrablenaja, pryznačany dla kantaktu z charčovymi praduktami.
U suviazi z zafiksavanymi parušeńniami prodaž hetych dvuch vidaŭ špiku budzie zabaronieny z 31 śniežnia.
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary